Ratan Tata | दिवंगत रतन टाटा यांच्या मृत्युपत्रात एक धक्कादायक आणि अनपेक्षित माहिती समोर आली आहे. रतन टाटा (Ratan Tata) यांनी त्यांच्या संपत्तीतील सुमारे 500 कोटी रुपयांची रक्कम मोहिनी मोहन दत्ता यांना दिली आहे. याबद्दल फार कमी लोकांना माहिती आहे.

मोहिनी मोहन दत्ता कोण आहेत?

मोहिनी मोहन दत्ता जमशेदपूर (Jamshedpur) येथे राहणारी आणि ट्रॅव्हल सेक्टरमध्ये काम करणारी एक महत्त्वाची व्यक्ती आहेत. दत्ता कुटुंबाच्या मालकीची ‘स्टॅलियन’ (Stallion) ट्रॅव्हल एजन्सी होती, जी 2013 मध्ये ताज सर्व्हिसेस (Taj Services) मध्ये विलीनीकरण केली गेली. त्यावेळी ताज ग्रुप ऑफ हॉटेल्सचा एक भाग असलेल्या या विलीनीकरणामध्ये दत्ता कुटुंबाची 80 टक्के भागीदारी होती. मोहिनी दत्ता टीसी ट्रॅव्हल सर्व्हिसच्या (TC Travel Service) संचालक आहेत आणि ही कंपनी थॉमस कुकशी (Thomas Cook) संबंधित आहे.

रतन टाटा (Ratan Tata) आणि दत्ता कुटुंबाचे जुने आणि घनिष्ठ संबंध होते. रतन टाटा यांचे निकटवर्तीय आणि दत्ता कुटुंबियांच्या माहितीप्रमाणे, ते एकमेकांचे 60 वर्षांपासून मित्र होते. याशिवाय, दत्ता कुटुंबाने टाटा ट्रस्टमध्ये देखील महत्त्वपूर्ण भूमिका बजावली आहे, आणि 2024 पर्यंत दत्ता कुटुंबाची एक सदस्य टाटा ट्रस्टमध्ये कार्यरत होती.

टाटा कुटुंबाशी संबंधित इतर माहिती

रतन टाटा यांच्या मृत्युपत्रात विविध प्रकारच्या संपत्तीचे वाटप करण्यात आले आहे. त्यांनी आपल्या संपत्तीचा एक मोठा भाग रतन टाटा एंडोमेंट फाऊंडेशन (Ratan Tata Endowment Foundation) आणि रतन टाटा एंडोमेंट ट्रस्ट (Ratan Tata Endowment Trust) यांना दान केला. त्याशिवाय, रतन टाटा यांच्या मृत्युपत्रात त्यांच्या सावत्र बहिणींसाठीही संपत्ती ठेवली होती.

रतन टाटा यांच्या संपत्तीचे वितरण केवळ मृत्युपत्राच्या प्रमाणिकरणानंतरच होईल, आणि यासाठी उच्च न्यायालयाकडून प्रमाणन घेण्यात येईल. या प्रक्रियेला 6 महिने लागू शकतात, अशी माहिती कायदेशीर तज्ञांनी दिली आहे.

 Title : Who is Mohini Mohan Datta Ratan Tata Beneficiary