Shalini Pandey | ‘अर्जुन रेड्डी’ (Arjun Reddy) या चित्रपटातून प्रसिद्धीझोतात आलेली अभिनेत्री शालिनी पांडे (Shalini Pandey) हिने नुकत्याच दिलेल्या एका मुलाखतीत तिच्या कारकिर्दीच्या सुरुवातीला घडलेला एक धक्कादायक प्रसंग सांगितला आहे. एका दाक्षिणात्य चित्रपटाच्या सेटवर व्हॅनिटी व्हॅनमध्ये कपडे बदलत असताना, दिग्दर्शक दरवाजा न ठोठावताच अचानक आत आल्याचा खुलासा तिने केला. या प्रकारानंतर आपण दिग्दर्शकावर ओरडलो, पण त्यासाठीही आपल्यालाच सुनावण्यात आले, असेही तिने म्हटले आहे.

व्हॅनिटी व्हॅनमधील धक्कादायक प्रसंग

‘फिल्मीज्ञान’ला (‘Filmygyan’) दिलेल्या मुलाखतीत शालिनी पांडेने तिच्यासोबत घडलेल्या या प्रसंगाबद्दल सविस्तर सांगितले. चित्रपटसृष्टीत तिची कोणतीही कौटुंबिक पार्श्वभूमी नसल्यामुळे सुरुवातीला तिला अनेक गोष्टींमध्ये जुळवून घेणे अवघड जात होते. ती म्हणाली, “माझ्या करिअरच्या सुरुवातीला मी एका दाक्षिणात्य चित्रपटात (South Indian Film) काम करत होते. तेव्हा सेटवर एके दिवशी चित्रपटाचा दिग्दर्शक (Director) दरवाजा न ठोठावताच थेट व्हॅनिटी व्हॅनमध्ये (Vanity Van) आला होता. त्यावेळी मी कपडे बदलत होती.”

अचानक दिग्दर्शकाला आत आलेले पाहून आपण पूर्णपणे घाबरून गेलो होतो, असे शालिनीने सांगितले. त्यावेळी तिचे वय अंदाजे २२ वर्षे होते. “त्यांना पाहताच मी पूर्णपणे घाबरून गेले होते. परंतु नंतर मी त्यांच्यावर खूप ओरडले. असं काही घडू शकतं याचा मी विचारच केला नव्हता,” असे तिने म्हटले. एका तरुण आणि नवोदित अभिनेत्रीसाठी हा अत्यंत धक्कादायक आणि असुरक्षित वाटणारा अनुभव होता.

“मी तापट स्वभावाची आहे”

या प्रसंगावर शालिनीने जी प्रतिक्रिया दिली, त्याबद्दलही तिला काही लोकांकडून वेगळाच ‘सल्ला’ मिळाला. ती म्हणाली, “मला त्यावेळी अनेकांनी म्हटलं होतं की दिग्दर्शकावर तू अशा पद्धतीने ओरडायला नाही पाहिजे.” मात्र, शालिनीने आपल्या भूमिकेचे समर्थन केले. “ही काही पद्धत नसते. तुम्ही दार न ठोठावता आत येऊ शकत नाही. तुम्ही माझ्यासोबत असं वागू शकत नाही,” असे तिने ठणकावून सांगितले.

“माझी प्रतिक्रिया पाहून तुम्हाला कदाचित मी तापट स्वभावाची आहे, असं वाटलं असेल. परंतु स्वत:च्या सुरक्षेसाठी (Self-protection) मला तसं वागावं लागलं. नंतर मी हळूहळू अशा परिस्थितींना कसं सामोरं जायचं हे शिकत गेली,” असेही तिने स्पष्ट केले. शालिनीने असेही म्हटले की, तिने तिच्या कारकिर्दीत ऑनस्क्रीन, ऑफस्क्रीन आणि क्रूसोबतही काही वाईट प्रवृत्तीच्या पुरुषांचा (‘भयानक पुरुषांसोबत’) सामना केला आहे आणि अशावेळी स्वतःची मर्यादा निश्चित करणे महत्त्वाचे असते. शालिनीने ‘अर्जुन रेड्डी’ या तेलुगू चित्रपटातून विजय देवरकोंडा (Vijay Deverakonda) सोबत पदार्पण केले होते, ज्याचा हिंदी रिमेक ‘कबीर सिंग’ (Kabir Singh) देखील प्रचंड यशस्वी ठरला.

Title : Shalini Pandey Director Vanity Van Incident Interview