Priyanka Kadam l दिव्यांग कोट्यातून बोगस आयएएस (IAS) अधिकारी झालेल्या पूजा खेडकरचा (Pooja Khedekar) कारनामा चर्चेत असतानाच, आता आणखी एका तरुण अधिकाऱ्याचा व्हिडिओ समोर आला आहे. दिव्यांग कोट्यातून तीन वर्षांपूर्वी भरती झालेल्या अधिकाऱ्याचा डान्स पाहून, ‘यांना कोण दिव्यांग म्हणेल?’ असा प्रश्न अनेकांना पडला आहे. डान्स व्हिडिओ व्हायरल होताच, लोकसेवा आयोगाच्या भरतीत हेराफेरी झाली आहे का? असा आरोप राष्ट्रीय सुशिक्षित युवा संघाने (Rashtriya Sushikshit Yuva Sangh) केला आहे. त्यामुळे या भरतीत बोगसगिरी झाल्याची तक्रार मुख्यमंत्र्यांकडे (Chief Minister) करण्यात आली आहे.
प्रियांका कदम यांचे डान्स व्हिडिओ व्हायरल :
२०२२ सालच्या एमपीपीएससी (MPPSC – मध्य प्रदेश लोकसेवा आयोग) भरतीमध्ये प्रियांका कदम (Priyanka Kadam) यांची बोगस पद्धतीने निवड झाल्याचा आरोप राष्ट्रीय सुशिक्षित युवक संघाने केला आहे. प्रियांका कदम यांची एमपीपीएससी भरती २०२२ मध्ये अपंग कोट्यातून निवड झाली होती आणि त्या सध्या जिल्हा उत्पादन शुल्क अधिकारी (District Excise Officer) आहेत, पण अलीकडे त्यांच्या डान्सचे अनेक व्हिडिओ सोशल मीडियावर व्हायरल होत आहेत. त्यामुळे प्रश्नचिन्ह निर्माण झाले आहे.
मध्य प्रदेशमध्ये ऑर्थोपेडिकली अपंग कोट्यातून सरकारी अधिकारी पद मिळालेल्या प्रियंका कदम एका व्हिडिओमध्ये अगदी ‘सैराट’ होऊन नृत्य करताना दिसत आहेत. असा हा एकमेव व्हिडिओ नाही. एका व्हिडिओमध्ये त्या डीजे फ्लोअरवर (DJ Floor) डान्स करताना दिसत आहेत, तर एका व्हिडिओमध्ये त्या धावताना दिसत आहेत. प्रियांका कदम यांच्या डान्स मूव्हचे किंवा रनिंग मूव्हचे व्हिडिओ सोशल मीडियावर व्हायरल करून, असा प्रश्न उपस्थित केला जात आहे की, एमपीपीएससीच्या (MPPSC) परीक्षेत अपंग कोट्यातून निवड झालेल्यांची शारीरिक स्थिती एवढी चांगली कशी? मध्य प्रदेश लोकसेवा आयोगात अपंग कोट्यातील भरतीच्या नावाखाली हेराफेरी झाल्याचा आरोप राष्ट्रीय सुशिक्षित युवा संघाने केला आहे.
प्रियांका कदम यांनी सादर केला एक्स-रे रिपोर्ट :
अपंग कोट्यातून निवड झाल्यानंतर, जेव्हा डान्स व्हिडिओवर प्रश्न उपस्थित केले गेले, तेव्हा प्रियांका कदम यांच्याशी संवाद साधला. प्रियंका कदम यांनी आपली बाजू मांडली आणि एक्स-रे रिपोर्ट (X-Ray Report) दाखवला. त्यांचा दावा आहे की, त्यांच्या हिपजवळ दोन्ही पायांची हाडे खराब झाली आहेत, त्यानंतर शस्त्रक्रिया करण्यात आली आणि त्यांच्या पायात रॉड घालण्यात आले. अपंग असणे म्हणजे व्हीलचेअरवर बसणे असा होत नाही, असे प्रियांका म्हणतात. त्या पेनकिलर घेतल्यानंतर नाचतात, कारण त्यांना त्याची आवड आहे. प्रियांका म्हणतात, ‘काठी असेल किंवा व्हीलचेअरवर बसला असेल किंवा लंगडत चालला असेल तरच समाज अपंग व्यक्तीला स्वीकारतो, ही आमची मानसिकता आहे.’ त्या म्हणाल्या, ‘माझ्यासारखी सामान्य मुलगी, कष्टकरी बापाची आणि शिंपी आईची, या पदापर्यंत पोहोचू शकते, तर प्रत्येकजण ते करू शकतो. माझे हे अपंगत्व कायमचे नाही. मी सामान्य झाले आहे. आधी वॉकर घेऊन चालायचे, मग काठी घेऊन चालायचे, आताही डॉक्टरांनी काठी घेऊन चालायला सांगितले आहे पण मला आत्मविश्वासाने दिसायचे आहे, त्यामुळे कधी कधी आधार घेऊन चालते.’
प्रियांका कदम पुढे म्हणाल्या की, ‘तुम्ही ज्या डान्सबद्दल बोलत आहात… मी तुम्हाला सांगतो की मला लहानपणापासूनच डान्सची खूप आवड होती. त्यामुळे आता मला माहित आहे की मला एखाद्या प्रसंगाला किंवा पार्टीला जायचे असेल तर मी पेनकिलर घेतो आणि मी ५-१० मिनिटे डान्स करतो आणि जर मला दुखत असेल तर मी पेनकिलर घेतो. मुलगी अपंग असेल तर तिला नाचता येत नाही, असे प्रत्येकाला वाटते.’
प्रियंका कदम IAS नहीं, MPPCS नायब तहसीलदार थीं, फिर भी ऐसी बाजी मारी कि 2022 में EWS + हैंडिकैप्ड कोटे से आबकारी अधिकारी बन गईं। अब कुछ हरामखोर मीडिया वाले तुनक-तुन पर उनके हेमा मालिनी टाइप डांस और स्विमिंग वाले वीडियो वायरल कर रहे हैं!कही फेक PH तो नहीं ?pic.twitter.com/bFsDgO1ezp
— खुरपेंच Satire (@Khurpench_) February 5, 2025
