Republic Day 2026 | भारत आज 77 वा प्रजासत्ताक दिन साजरा करत आहे. या राष्ट्रीय सुट्टीमुळे आज, 26 जानेवारी 2026 रोजी देशातील शेअर बाजारांमध्ये कोणतेही व्यवहार होणार नाहीत. नॅशनल स्टॉक एक्सचेंज (NSE) आणि बॉम्बे स्टॉक एक्सचेंज (BSE) पूर्णपणे बंद राहतील. त्यामुळे गुंतवणूकदार आणि ट्रेडर्सना आज शेअर बाजारात व्यवहार करता येणार नाहीत. (Indian stock market holiday)
उद्या पुन्हा सुरू होतील बाजारपेठा :
आजच्या सुट्टीमुळे इक्विटी, इक्विटी डेरिव्हेटिव्ह्ज (F&O), करन्सी डेरिव्हेटिव्ह्ज तसेच सिक्युरिटीज लेंडिंग अँड बोरोइंग (SLB) या सर्व विभागांमध्ये व्यवहार स्थगित राहतील. याशिवाय, मल्टी कमोडिटी एक्सचेंज (MCX) वरही कोणतेही कमोडिटी ट्रेडिंग होणार नाही. म्हणजेच सोने, चांदी, कच्चे तेल किंवा इतर वस्तूंमध्ये गुंतवणूक आज करता येणार नाही. (Republic Day stock market holiday)
शेअर बाजार मंगळवार, 27 जानेवारी 2026 रोजी नेहमीच्या वेळेत पुन्हा सुरू होतील. सकाळी 9 वाजता प्री-ओपन सत्र सुरू होईल आणि नियमित व्यवहार सकाळी 9.15 ते दुपारी 3.30 पर्यंत चालतील. सर्व विभागांमध्ये व्यवहार सुरळीतपणे सुरू होतील, असा अंदाज आहे.
Republic Day 2026 | बँका बंद, मात्र डिजिटल सेवा सुरू :
प्रजासत्ताक दिन हा राष्ट्रीय सुट्टीचा दिवस असल्याने देशभरातील बँका बंद राहतील. (Republic Day stock market holiday)
मात्र यूपीआय, नेट बँकिंग, मोबाइल बँकिंग आणि एटीएम सेवा नेहमीप्रमाणे सुरू राहतील. त्यामुळे अत्यावश्यक आर्थिक व्यवहार ऑनलाइन पद्धतीने करता येतील.
