Mahakumbh l  प्रयागराज येथे सुरु असलेल्या महाकुंभ मेळ्यात (Mahakumbh Mela) बुधवारी (29 जानेवारी 2025) मौनी अमावस्येच्या (Mauni Amavasya) दिवशी त्रिवेणी संगमावर (Triveni Sangam) अमृत स्नानासाठी (Amrut Snan) आलेल्या कोट्यवधी भाविकांपैकी 30 जणांचा चेंगराचेंगरीत (Stampede) मृत्यू झाला असून, 60 जण जखमी झाले आहेत. मृतांपैकी 25 जणांची ओळख पटली असून, 36 जखमींवर उपचार सुरू आहेत. मृतांमध्ये कर्नाटकच्या (Karnataka) बेळगावचे (Belgaum) 4, आसाम (Assam) व गुजरातमधील (Gujarat) प्रत्येकी एका व्यक्तीचा समावेश आहे. या दुर्घटनेबद्दल राष्ट्रपती द्रौपदी मुर्मू (Droupadi Murmu), पंतप्रधान नरेंद्र मोदी (Narendra Modi) यांनी तीव्र शोक व्यक्त केला आहे.

बुधवारी पहाटे एक ते दोन वाजण्याच्या सुमारास आखाडा मार्गावर (Akhada Marg) ही दुर्घटना घडली. मौनी अमावास्येच्या शाही स्नानासाठी (Shahi Snan) प्रयागराजमध्ये (Prayagraj) लाखो भाविक आले होते. आपले शाही स्नान संगमावरच व्हावे, असा प्रत्येकाचा प्रयत्न होता. संगमाच्या दिशेने भाविकांचा प्रचंड मोठा लोंढा आला व त्यांनी बॅरिकेट्स (Barricades) तोडली. त्यामुळे चेंगराचेंगरी होऊन दुर्घटना घडली.

घटनेची न्यायालयीन चौकशी :

उत्तर प्रदेशचे मुख्यमंत्री योगी आदित्यनाथ (Yogi Adityanath) यांनी या घटनेची न्यायालयीन चौकशी (Judicial Inquiry) करण्यात येईल, असे सांगितले. ते म्हणाले की, “बुधवारी पहाटे आखाडा मार्गावरील बॅरिकेड ओलांडून काही भाविक अमृत स्नानासाठी गेले. आखाड्यांच्या अमृतस्नानासाठी त्या ठिकाणी व्यवस्था करण्यात आली होती. बॅरिकेड ओलांडून आलेल्या भाविकांमुळे गोंधळ निर्माण झाला व त्यातून दुर्घटना घडली.” आदित्यनाथ यांनी उच्चस्तरीय बैठक (High-Level Meeting) घेऊन प्रयागराजमधील परिस्थितीचा आढावा घेतला.

Mahakumbh l काही काळ अमृत स्नान थांबविले :

आखाडा परिषदेचे प्रमुख महंत रवींद्रपुरी (Mahant Ravindrapuri) यांनी सांगितले की, “प्रयागराजमधील महाकुंभ मेळ्यात झालेल्या चेंगराचेंगरीमुळे तसेच तिथे उसळलेल्या गर्दीमुळे आम्ही आखाड्यांचे अमृत स्नान काही वेळ स्थगित केले; पण त्यानंतर त्रिवेणी संगमावर अमृत स्नानाची प्रक्रिया पुन्हा सुरू झाली.”

मृतांच्या वारसदारांना प्रत्येकी 25 लाखांची भरपाई :

चेंगराचेंगरीत मरण पावलेल्यांच्या वारसदारांना (Heirs) प्रत्येकी 25 लाख रुपयांची भरपाई (Compensation) देण्याचा निर्णय उत्तर प्रदेश सरकारने घेतला आहे. चेंगराचेंगरी झाल्यानंतर घटनास्थळी मृतदेह विखुरलेले होते.

संगम नोज म्हणजे काय? :

जेथे दुर्घटना घडली, त्या जागेला आकारामुळे ‘संगम नोज’ (Sangam Nose) नाव पडले. ते पवित्र स्नानासाठी सर्वांत महत्त्वाचे ठिकाण मानले जाते. बहुतेक साधू, ऋषी येथे स्नान करतात.

महाराष्ट्रातील भाविकांचा रोष :

महाकुंभ मेळ्यात सामान्यांपेक्षा व्हीआयपींकडे (VIP) प्रशासनाचे अधिक लक्ष आहे. गर्दीचे नीट व्यवस्थापन (Crowd Management) नसल्यामुळे चेंगराचेंगरी होऊन अनेकांना जीव गमवावा लागला. चेंगराचेंगरीमुळे लोकांचे कपडे, सामान तुडवले गेले, काही चोरीला गेले तर काही गहाळ झाले. यामुळे अनेकांना ज्या कपड्यांमध्ये स्नानासाठी गेले त्याच कपड्यांमध्ये बराच काळ राहावे लागले. त्याबद्दल भाविकांनी, खास करून महिलांनी रोष व्यक्त केला. महाराष्ट्रातील भाविकांचा एक व्हिडीओ व्हायरल (Viral Video) होत असून, ते पोलिसांनी उद्धटपणे उत्तरे दिल्याचे सांगताना दिसतात.

144 वर्षांनी योग अन् झोपेत गेले जीव :

चेंगराचेंगरीसाठी 144 वर्षांनी आलेला योग (Yoga) महत्त्वाचे कारण ठरला आहे. लाखो भाविक संगमावर स्नानासाठी तासन् तास बसून किंवा झोपून होते.

नेत्यांची प्रतिक्रिया :

“प्रयागराजमध्ये झालेली दुर्घटना वेदनादायी आहे. त्यामध्ये हानी झालेल्यांच्या कुटुंबीयांच्या प्रती मी सहवेदना व्यक्त करते,” असे राष्ट्रपती द्रौपदी मुर्मू म्हणाल्या.

“प्रयागराजमध्ये झालेली दुर्घटना वेदनादायी आहे. जखमींवर उपचार सुरू असून, स्थानिक प्रशासन सर्वतोपरी मदत करत आहे. मी उत्तर प्रदेश सरकारच्या संपर्कात असून, सातत्याने माहिती घेत आहे,” असे पंतप्रधान नरेंद्र मोदी म्हणाले.

“ही घटना अतिशय दु:खद असून, मृतांच्या कुटुंबीयांप्रती माझ्या संवेदना आहेत. जखमी लवकर बरे व्हावेत यासाठी मी प्रार्थना करतो,” असे विरोधी पक्षनेते राहुल गांधी (Rahul Gandhi) म्हणाले.

महाकुंभ मेळ्याचे अधिकारी विजय किरण आनंद (Vijay Kiran Anand) व पोलिस उपमहानिरीक्षक वैभव कृष्ण (Vaibhav Krishna) यांनी सांगितले की, बुधवारी ब्राह्ममुहूर्तावर एक ते दोन वाजण्याच्या सुमारास आखाडा मार्गावर चेंगराचेंगरीची घटना घडली.

News Title: Prayagraj-Mahakumbh-Stampede-30-Devotees-Killed-60-Injured-During-Mauni-Amavasya-Holy-Bath