Budget 2025 l केंद्रीय अर्थमंत्री निर्मला सीतारामन यांनी आज (1 फेब्रुवारी 2025) केंद्रीय अर्थसंकल्प 2025 संसदेत सादर करत आहेत. यावेळी समाजवादी पक्षाच्या (सपा) खासदारांनी सरकारच्या धोरणांचा निषेध करत संसदेतून वॉकआउट केला. सपा खासदारांचा आरोप आहे की, या बजेटमध्ये शेतकरी, कामगार आणि मध्यमवर्गीयांसाठी कोणत्याही ठोस योजना नाहीत.
सपा खासदारांचा सरकारवर आरोप :
बजेट सादर होत असताना सपा खासदारांनी सरकारविरोधात जोरदार घोषणाबाजी करत संसदेतून बाहेर पडण्याचा निर्णय घेतला. त्यांच्या मते, शेतकऱ्यांसाठी कर्जमाफी नाही, तरुणांसाठी रोजगार हमी नाही आणि महागाई नियंत्रणावर कोणतेही ठोस पाऊल उचललेले नाही. त्यामुळे हे बजेट फक्त मोठ्या उद्योगपतींसाठी आहे, सर्वसामान्यांसाठी नाही, असा आरोप सपा खासदारांनी केला.
Budget 2025 l सरकारची भूमिका काय? :
दुसरीकडे, सरकारने हे बजेट सर्वसमावेशक असल्याचा दावा केला आहे. निर्मला सीतारामन यांनी बजेट सादरीकरणादरम्यान शेतकऱ्यांसाठी 2 लाख कोटींच्या पॅकेजची घोषणा केली तसेच मध्यमवर्गीयांना करसवलतीसाठी काही महत्त्वाचे बदल करण्यात येणार असल्याचे सांगितले.
महत्वाच्या घोषणांवर सपा आक्षेप :
शेतकऱ्यांसाठी ठोस मदतीचा अभाव – सपा खासदारांच्या मते, सरकारने शेतकऱ्यांना मदत देण्याऐवजी त्यांच्यावर कर्जाचा भार टाकला आहे.
रोजगारनिर्मितीबाबत स्पष्टता नाही – युवकांसाठी ठोस योजना जाहीर करण्यात आलेली नाही.
महागाई नियंत्रणासाठी कोणतीही ठोस योजना नाही – इंधन दर आणि जीवनावश्यक वस्तूंचे दर कमी करण्यासाठी सरकारने कोणतेही निर्णय घेतले नाहीत.
