Navi Mumbai | नवी मुंबईतील वाशी (Vashi) ते सानपाडा (Sanpada) दरम्यानच्या सेवा रस्त्यावर एका धावत्या इनोव्हा कारच्या (Innova car) डिक्कीतून हात बाहेर लटकत असल्याचा व्हिडिओ व्हायरल झाल्याने सोमवारी (Monday) एकच घबराट पसरली होती. अपहरण किंवा हत्येचा संशय यामुळे निर्माण झाला होता, मात्र पोलीस तपासानंतर हा प्रकार एका रीलसाठी (Reel) केलेला प्रँक (Prank) असल्याचे उघड झाले आहे.
व्हायरल व्हिडिओ आणि पोलिसांची धावपळ
सोमवारी वाशी आणि सानपाडा रेल्वे स्थानकांदरम्यानच्या रस्त्यावर एक इनोव्हा कार धावत होती आणि तिच्या डिक्कीतून एका व्यक्तीचा हात बाहेर लटकत होता. हा धक्कादायक प्रकार पाहून रस्त्यावरील इतर वाहनचालकांमध्ये भीतीचे वातावरण निर्माण झाले. काहींना गाडीत मृतदेह किंवा अपहरण केलेली व्यक्ती असल्याचा संशय आला.
याच दरम्यान एका सजग वाहनचालकाने आपल्या कारमधून या घटनेचा व्हिडिओ चित्रित केला आणि तात्काळ पोलिसांना माहिती दिली. पोलिसांनी या व्हिडिओची आणि तक्रारीची गंभीर दखल घेत तात्काळ तपासाला सुरुवात केली. व्हिडिओतील कारच्या नोंदणी क्रमांकावरून पोलिसांनी कार आणि तिच्या
Maharashtra Mirror: Viivek Rajendra Jagtap
— Maharashtramirrornews (@Maharshtraanews) April 15, 2025
Breaking News
In Navi Mumbai, the local police is trying to solve the mystery of a hand hanging from the trunk of a car @aajtak @abpmajhatv @AjitPawarSpeaks @ANI @Dev_Fadnavis @jithin71859 @mieknathshinde @Navimumpolice #NaviMumbai… pic.twitter.com/dO8tqtYmH9
मालकाचा शोध घेतला.
तपासाअंती प्रँकचा पर्दाफाश
पोलिसांनी कार मालक आणि संबंधित तरुणांना शोधून काढल्यानंतर यामागील सत्य समोर आले. कारच्या डिक्कीतून लटकणारा हात हा मृतदेहाचा किंवा अपहरण झालेल्या व्यक्तीचा नव्हता. केवळ सोशल मीडियासाठी रील बनवण्याच्या उद्देशाने काही अतिउत्साही तरुणांनी हा धोकादायक आणि विचित्र प्रँक व्हिडिओ शूट केला होता.
पोलिसांनी या तरुणांना ताब्यात घेऊन पोलीस ठाण्यात आणले. चौकशीदरम्यान, एका तरुणाने रीलसाठी डिक्कीत बसून आपला हात बाहेर लटकत ठेवल्याचे कबूल केले. त्यांनी या प्रँकच्या चित्रीकरणाचे ‘बिहाइंड द सीन्स’ व्हिडिओ देखील पोलिसांना दाखवले. मात्र, मनोरंजनाच्या नावाखाली समाजात भीती पसरवणाऱ्या या तरुणांवर पोलीस कायदेशीर कारवाई करणार का, याकडे आता लक्ष लागले आहे.
