Priyanka Kadam l मध्यप्रदेश लोकसेवा आयोगाच्या (Madhya Pradesh Public Service Commission) भरती प्रक्रियेवर गंभीर प्रश्न उपस्थित झाले आहेत. एका महिला अधिकाऱ्याचा नृत्य करतानाचा व्हिडिओ समाज माध्यमांवर प्रसारित झाल्यानंतर, त्यांच्या नियुक्तीबद्दल शंका व्यक्त केल्या जात आहेत.
दिव्यांग कोट्यातून निवड :
संबंधित महिला अधिकारी, प्रियांका कदम (Priyanka Kadam), ज्या उत्पादन शुल्क विभागात कार्यरत आहेत, यांची निवड दिव्यांग कोट्यातून झाली होती. नॅशनल एज्युकेटेड युथ युनियनने (National Educated Youth Union) या निवडीवर आक्षेप घेतला आहे.
मध्यप्रदेश लोकसेवा आयोग (Madhya Pradesh Public Service Commission) २०२२ च्या भरती प्रक्रियेत अनियमितता झाल्याचा आरोप या संघटनेने केला आहे. प्रियांका कदम (Priyanka Kadam) यांची ऑर्थोपेडिक दिव्यांग कोट्यातून निवड झाली होती, परंतु त्यांचे नृत्याचे व्हिडिओ समोर आल्यानंतर, त्यांच्या शारीरिक स्थितीबद्दल आणि भरती प्रक्रियेच्या पारदर्शकतेबद्दल प्रश्न उपस्थित केले जात आहेत.
प्रियांका कदम यांचे स्पष्टीकरण :
व्हिडिओ व्हायरल झाल्यानंतर निर्माण झालेल्या वादावर प्रियांका कदम (Priyanka Kadam) यांनी प्रतिक्रिया दिली आहे. त्यांनी दावा केला की त्या ४५ टक्के दिव्यांग आहेत. प्रियांका कदम (Priyanka Kadam) म्हणाल्या, “मी एका सामान्य स्त्रीप्रमाणे दिसत असले, तरी मी केवळ शस्त्रक्रियेद्वारे लावलेल्या इम्प्लांटमुळे चालू शकते. डॉक्टरांच्या सल्ल्यानुसार मी पाच ते दहा मिनिटे नृत्य करू शकते.” त्यांनी हे देखील स्पष्ट केले की त्यांचे अपंगत्व कायमस्वरूपी नाही.
“माझ्या कुटुंबाची परिस्थिती बेताची होती; वडील मजूर आणि आई शिलाई काम करत असे. मी खूप संघर्ष करून सरकारी अधिकारी बनले आहे,” असे प्रियांका कदम (Priyanka Kadam) यांनी सांगितले. त्यांनी पुढे सांगितले की, “पूर्वी मी वॉकर आणि नंतर काठीच्या आधाराने चालत होते, पण आता मला जास्त आधाराची गरज भासत नाही. माझ्या दोन्ही पायांच्या हाडांना दुखापत झाली होती आणि शस्त्रक्रियेनंतर रॉड टाकण्यात आले आहेत. डॉक्टरांनी काठीने चालण्याचा सल्ला दिला होता, पण मला आत्मविश्वासाने चालायचे होते. लहानपणापासूनच नृत्याची आवड असल्याने, वेदनाशामक औषधे घेऊन मी ५-१० मिनिटे नृत्य करते.” त्यांनी हे देखील स्पष्ट केले की, दिव्यांग व्यक्तीसुद्धा नृत्य करू शकते.
प्रियांका कदम (Priyanka Kadam) यांनी सांगितले की, त्या सध्या उज्जैन येथील कोषागार आणि लेखा विभागात सहाय्यक लेखापरीक्षण अधिकारी म्हणून कार्यरत आहेत. जिल्हा उत्पादन शुल्क अधिकारी पदासाठी निवड होऊनही, प्रशासकीय प्रक्रियेमुळे अद्याप नियुक्ती झाली नसल्याचे त्यांनी स्पष्ट केले. मनोबल वाढवण्यासाठी त्या कधीकधी नृत्य करतात, असेही त्यांनी सांगितले.
