IPL 2025 | मुंबई इंडियन्स (Mumbai Indians) संघाने आयपीएल 2025 हंगामातील पहिला सामना खेळण्यापूर्वी मोठा निर्णय घेतला आहे. चेन्नई सुपर किंग्ज (Chennai Super Kings) विरुद्धच्या सामन्यात हार्दिक पांड्या (Hardik Pandya) कर्णधार म्हणून दिसणार नाही, तर त्याऐवजी सूर्यकुमार यादव (Suryakumar Yadav) संघाचे नेतृत्व करणार आहे. (IPL 2025)
सूर्यकुमार यादव नवा कर्णधार
मुंबई इंडियन्सचा पहिला सामना 23 मार्च रोजी चेपॉकवर होणार आहे. मात्र, या सामन्याआधीच संघाला दोन मोठे धक्के बसले आहेत. जसप्रीत बुमराह (Jasprit Bumrah) आणि हार्दिक पांड्या हे दोघेही या सामन्यात खेळू शकणार नाहीत. नुकत्याच झालेल्या एका कार्यक्रमात हार्दिक पांड्याने सूर्यकुमार यादवला तात्पुरता कर्णधार म्हणून घोषित केले आहे. त्यामुळे आगामी सामन्यात सूर्यकुमार मुंबई इंडियन्सचे नेतृत्व करेल.
सूर्यकुमार यादव केवळ पहिल्या सामन्यासाठी कर्णधार असेल, कारण हार्दिक पांड्यावर स्लो ओव्हर रेटमुळे एक सामन्याची बंदी घालण्यात आली आहे. मागील हंगामातील अखेरच्या सामन्यात हार्दिकला वेळेत ओव्हर्स पूर्ण करता आल्या नाहीत, त्यामुळे त्याला हा दंड सहन करावा लागत आहे.
हार्दिक पांड्या काय म्हणाला?
या घोषणेदरम्यान, हार्दिक पांड्याने आपल्या सहकर्णधारांबद्दल मत व्यक्त करताना सांगितले की, “मी भाग्यवान आहे की माझ्या सोबत तीन जबरदस्त कर्णधार आहेत. रोहित शर्मा (Rohit Sharma) मला नेहमीच पाठिंबा देतो. रोहित, सूर्या आणि बुमराह हे माझ्या खांद्याभोवती हात ठेवतात आणि मला मदत करतात.” (IPL 2025)
तसेच, पांड्याने पुढे सांगितले की, “जेव्हा मला कोणत्याही मदतीची आवश्यकता असते, तेव्हा रोहित, सूर्या आणि बुमराह हे नेहमी धावून येतात.” त्यामुळे संघातील समन्वय आणि एकत्रित नेतृत्व याचा फायदा मुंबई इंडियन्सला यंदाच्या हंगामात मिळू शकतो.
