SIP | मध्यमवर्गीय व्यक्तीला श्रीमंतीकडे नेणारा मार्ग म्हणजे काटकसरीची सवय आणि शहाणपणाने केलेली गुंतवणूक. केवळ मेहनतीवर श्रीमंत होता येत नाही, तर उत्पन्नाच्या ठराविक भागाची चांगल्या योजनेत गुंतवणूक आवश्यक असते. सध्याच्या युगात म्युच्युअल फंडांमधील एसआयपी (Systematic Investment Plan) हा एक उत्तम पर्याय मानला जातो. कमी रकमेपासून सुरुवात करून भविष्यात मोठा निधी तयार करता येतो.
एसआयपीमध्ये दरमहा विशिष्ट रक्कम गुंतवावी लागते. ही गुंतवणूक तुमच्या उत्पन्नाच्या क्षमतेनुसार असू शकते. विशेष म्हणजे फक्त ₹२५० पासून सुरू करता येणारी ही योजना कमी उत्पन्न असणाऱ्यांनाही सहज परवडणारी आहे. गेल्या काही वर्षांत म्युच्युअल फंडांतील एसआयपीने गुंतवणूकदारांना भरघोस परतावा दिला आहे, आणि हेच आकर्षण अनेकांना या पर्यायाकडे वळवत आहे.
फक्त २००० रुपये गुंतवून मिळवा १.१० कोटींचा निधी
जर एखाद्या व्यक्तीने दरमहा ₹२००० या रकमेची एसआयपी सुरू केली आणि ती सलग ३५ वर्षे केली, तर तो कोट्यधीश होऊ शकतो. सरासरी १२ टक्के वार्षिक परतावा मानला, तर ही गुंतवणूक ८.४० लाख रुपयांवरून वाढून तब्बल १ कोटी १० लाखांहून अधिक होऊ शकते. गुंतवणुकीत सातत्य आणि संयम राखल्यास वेळेच्या ओघात ही रक्कम वाढत जाते.
या उदाहरणानुसार ३५ वर्षांत ₹२००० दरमहा गुंतवल्यास एकूण गुंतवणूक ₹८,४०,००० होते. त्यावर १२ टक्के वार्षिक परतावा मिळाल्यास ₹१,०१,८१,६६२ इतका नफा मिळतो. एकूण रक्कम होते ₹१,१०,२१,६६२. हीच गणिती कमाल एसआयपी गुंतवणुकीला फायदेशीर ठरवते. म्हणजेच कमी रकमेने दीर्घकालीन नियोजन केल्यास कोट्यधीश होण्याचं स्वप्न सहज पूर्ण होऊ शकतं.
