Akshaya Tritiya Gold Rate l लग्नसराईच्या सुरुवातीला सोनं आणि चांदीने बाजारात नवीन विक्रमी दर गाठले आहेत. 24 तासांत सोन्याच्या दरात तब्बल ₹1000 ची वाढ झाली असून, 10 ग्रॅम 24 कॅरेट सोन्याचा दर ₹97,400 पर्यंत पोहोचला आहे. चांदीनेही उडी घेत प्रति किलो ₹97,500 या ऐतिहासिक पातळीवर झेप घेतली आहे. (Akshaya Tritiya Gold Rate)
सध्या सोनं फक्त ₹2,500 दूर आहे ₹1 लाखाच्या टप्प्यापासून, आणि अक्षय्य तृतीया येण्याआधीच हा टप्पा गाठण्याची शक्यता वर्तवली जात आहे. देशांतर्गत बाजारात आणि जागतिक पातळीवर अस्थिरता, तसेच लग्नसराईतील मागणी यामुळे ही वाढ झाली आहे.
सोन्याच्या दरात सतत वाढ, ग्राहकांसाठी चिंता :
ऑल इंडिया सराफा असोसिएशननुसार, दिल्ली सराफा बाजारात 99.9% शुद्धतेच्या सोन्याचा दर GST सह ₹97,400 प्रति 10 ग्रॅम इतका झाला आहे. 99.5% शुद्धतेचं सोनं ₹96,700 वर पोहोचलं आहे, जे याचा सर्वाधिक दर आहे. 22 कॅरेट सोनं ₹86,200, तर 18 कॅरेट सोनं ₹70,556 प्रति 10 ग्रॅमवर आहे. (Akshaya Tritiya Gold Rate)
सोन्याच्या किमतीत या वाढीमागे कमकुवत होत चाललेला डॉलर, जागतिक आर्थिक अनिश्चितता आणि फेडरल रिझर्व्हच्या धोरणावरील अनिश्चितता हे घटक जबाबदार असल्याचं अबन्स फायनान्शियल सर्व्हिसेसचे CEO चिंतन मेहता यांनी सांगितलं.
Akshaya Tritiya Gold Rate l चांदीचाही दर वाढला, गुंतवणूकदारांचा कल सुरक्षिततेकडे :
सोमवारी ₹500 नी घसरलेली चांदी मंगळवारी थेट ₹2500 नी उसळून ₹97,500 प्रति किलो झाली. यामागे इंडस्ट्रियल डिमांडमध्ये झालेली वाढ कारणीभूत आहे. यामुळे गुंतवणूकदारांचा कल सोने-चांदीसारख्या सुरक्षित गुंतवणुकीकडे वळलेला दिसतो.
अमेरिकन फेडरल रिझर्व्हचे प्रमुख जेरोम पावेल यांच्या आगामी पत्रकार परिषदेवर जागतिक बाजाराचं लक्ष आहे. यामुळे सोन्याचे दर अजूनही चढे राहण्याची शक्यता आहे. ताजे दर जाणून घेण्यासाठी ग्राहकांनी 8955664433 वर मिस्ड कॉल देण्याचं आवाहन करण्यात आलं आहे.
