Radhakrishna Vikhe Patil | राज्याचे महसूल मंत्री आणि भाजप (BJP) नेते राधाकृष्ण विखे-पाटील (Radhakrishna Vikhe Patil) हे त्यांच्या प्रवरा सहकारी साखर कारखान्यातील (Pravara Cooperative Sugar Factory) कथित ९ कोटी रुपयांच्या घोटाळ्याप्रकरणी अडचणीत आले आहेत. शेतकऱ्यांच्या नावावर कर्ज घेऊन त्याचा अपहार केल्याचा आरोप असून, या प्रकरणी विखे-पाटील यांच्यासह ५४ जणांविरुद्ध लोणी (Loni) पोलीस ठाण्यात गुन्हा दाखल करण्यात आला आहे.
५४ जणांवर फसवणुकीचा गुन्हा
मंत्री राधाकृष्ण विखे-पाटील (Radhakrishna Vikhe Patil), माजी मंत्री अण्णासाहेब म्हस्के (Annasaheb Mhaske) यांच्यासह प्रवरा सहकारी साखर कारखान्याचे तत्कालीन संचालक, साखर आयुक्त आणि काही बँक अधिकाऱ्यांवर फसवणुकीचा गुन्हा दाखल झाला आहे. कारखान्याचे सभासद बाळासाहेब केरुनाथ विखे (Balasaheb Kerunath Vikhe) यांनी याबाबत पोलिसात तक्रार दिली होती, ज्याची दखल सर्वोच्च न्यायालयाने (Supreme Court) घेतली.
सर्वोच्च न्यायालयाच्या (Supreme Court) आदेशानंतरच लोणी (Loni) पोलिसांनी हा गुन्हा दाखल केला आहे. या गुन्ह्यात एकूण ५४ जणांची नावे आहेत, ज्यामुळे सहकार क्षेत्रात खळबळ उडाली आहे. (9 Crore Fraud Case FIR Against Radhakrishna Vikhe Patil)
शेतकऱ्यांच्या नावावर कर्ज, गैरवापर आणि कर्जमाफी?
आरोपानुसार, २००४-०५ आणि २००७ या वर्षांमध्ये प्रवरा साखर कारखान्याने (Pravara Sugar Factory) शेतकऱ्यांना बेसल डोसचे (Basal Dose) पैसे वाटप करण्याच्या नावाखाली एका राष्ट्रीयकृत बँकेतून सुमारे ९ कोटी रुपयांचे कर्ज घेतले. मात्र, हे पैसे शेतकऱ्यांपर्यंत कधीच पोहोचले नाहीत.
या कर्जाच्या रकमेचा गैरवापर करण्यात आला आणि नंतर कर्जमाफी योजनेत हे कर्ज माफ करून घेण्यात आले, असा आरोप तक्रारीत करण्यात आला आहे. अशा प्रकारे शेतकऱ्यांची आणि सरकारची फसवणूक झाल्याचे म्हटले आहे. सर्वोच्च न्यायालयाने (Supreme Court) तपास अधिकाऱ्यांना आठ आठवड्यांत चौकशी करून अहवाल सादर करण्याचे निर्देश दिले आहेत, मात्र तोपर्यंत आरोपींवर कोणतीही सक्तीची कारवाई (उदा. अटक) करू नये, असेही स्पष्ट केले आहे.
या प्रकरणामुळे राजकीय वातावरण तापले आहे. फिर्यादी बाळासाहेब केरुनाथ विखे (Balasaheb Kerunath Vikhe) यांनी निःपक्ष चौकशीसाठी मुख्यमंत्री एकनाथ शिंदे (Eknath Shinde) यांच्याकडे राधाकृष्ण विखे-पाटील (Radhakrishna Vikhe Patil) यांच्या मंत्रिपदाच्या राजीनाम्याची मागणी केली आहे.
राष्ट्रवादी काँग्रेस शरदचंद्र पवार पक्षाचे (NCP Sharadchandra Pawar) खासदार निलेश लंके (Nilesh Lanke) यांनीही “रक्षकच भक्षक झाले” असे म्हणत विखे-पाटील यांच्या राजीनाम्याची मागणी केली. ठाकरे गटाच्या (Thackeray Group) नेत्या सुषमा अंधारे (Sushma Andhare) यांनीही शेतकऱ्यांच्या तोंडचा घास पळवल्याचा आरोप करत विखे-पाटील यांच्या तात्काळ राजीनाम्याची मागणी केली आहे.
