Disha Salian |  सेलिब्रिटी मॅनेजर दिशा सालियान (Disha Salian) आत्महत्या प्रकरणात एक मोठी अपडेट समोर आली आहे. दिशाच्या लॅपटॉपमध्ये तिचे वडील सतीश सालियान (Satish Salian) यांच्या व्हॉट्सॲपचा (WhatsApp) डेटा आढळून आल्याची माहिती आहे, जी या प्रकरणाचा तपास करणाऱ्या आधीच्या विशेष तपास पथकाला (SIT) मिळाली होती. या डेटामुळे, दिशाने आत्महत्येसारखे टोकाचे पाऊल उचलण्यामागे तिच्या वडिलांशी झालेला वाद कारणीभूत होता का, या दिशेने पुन्हा एकदा चर्चा सुरू झाली आहे.

लॅपटॉपमधील व्हॉट्सॲप डेटा

पहिल्या एसआयटीच्या तपासात समोर आलेल्या माहितीनुसार, दिशा सालियानला तिचे वडील सतीश सालियान यांचे एका महिलेशी संबंध असल्याचा संशय होता. त्यामुळे, वडिलांना नकळत तिने त्यांच्या व्हॉट्सॲपचा ॲक्सेस स्वतःच्या लॅपटॉपवर घेतला होता, जेणेकरून ते कोणाशी बोलतात यावर ती लक्ष ठेवू शकेल. यादरम्यान, तिच्या वडिलांनी तिला न सांगता एका महिलेला ३००० रुपये पाठवल्याचे तिच्या लक्षात आले.

या गोष्टीमुळे दिशाला (Disha Salian) खूप वाईट वाटले होते. सूत्रांनी दिलेल्या माहितीनुसार, २ जून २०२० रोजी दिशाने याच व्हॉट्सॲप चॅटच्या आधारे वडिलांना जाब विचारला होता, ज्यामुळे दोघांमध्ये मोठा वाद झाला. या वादानंतर दोनच दिवसांनी, ४ जून २०२० रोजी, दिशाने वडिलांचे घर सोडले आणि ती मालाड मालवणी (Malad Malvani) येथे राहायला गेली होती. तिने याबाबत आपल्या मित्र-मैत्रिणींनाही सांगितले होते, ज्याला त्यांनी नंतर पोलीस चौकशीत दुजोरा दिला.

Disha Salian | सतीश सालियान यांचे स्पष्टीकरण

या आरोपांवर पोलिसांनी दिशाचे वडील सतीश सालियान यांचा जबाब नोंदवला होता. त्यांनी पोलिसांना सांगितले होते की, त्यांचा आणि त्यांच्या एका मित्राचा लोणचे बनवण्याचा व्यवसाय होता. त्या मित्राच्या मृत्यूनंतर त्याच्या पत्नीला आर्थिक अडचणी आल्या होत्या. त्यामुळे केवळ मानवतेच्या नात्याने (‘मानवतेच्या नात्याने’) ते तिला आर्थिक मदत करत होते आणि त्यांच्यात कोणतेही अयोग्य संबंध नव्हते. त्यांनी दिशाकडेही त्या महिलेसाठी पैशांची मदत मागितली होती, पण दिशाने स्वतःकडे पैशांची अडचण असल्याचे सांगून नकार दिला होता, असे सतीश सालियान यांनी म्हटले होते.

मात्र, आधीच्या एसआयटीच्या तपासात दिशाच्या मित्रांनी दिलेल्या जबाबात वेगळा उल्लेख होता. दिशाने मित्रांना सांगितले होते की, तिच्या वडिलांनी एका महिलेला पैसे पाठवले, ज्यामुळे ती नाराज होती. या माहितीच्या आधारे, दिशा या प्रकरणामुळे डिस्टर्ब असल्याचा निष्कर्ष पूर्वीच्या एसआयटीने काढला होता, असे समजते. दरम्यान, सतीश सालियान यांनी मुंबई उच्च न्यायालयात (Mumbai High Court) याचिका दाखल करून या प्रकरणाचा तपास सीबीआयकडे (CBI) सोपवण्याची, आदित्य ठाकरे (Aaditya Thackeray) व दिनो मोरिया (Dino Morea) यांच्यावर गुन्हा दाखल करण्याची, किशोरी पेडणेकर (Kishori Pednekar) यांच्यावर दिशाभूल केल्याप्रकरणी गुन्हा दाखल करण्याची, तसेच दिशाचा मोबाईल आणि लॅपटॉप तिचा प्रियकर रोहन रॉयकडून (Rohan Roy) ताब्यात घेऊन कुटुंबीयांना देण्याची मागणी केली आहे.

News Title – Disha Salian Case Laptop WhatsApp Data Father Dispute