Amitabh Bachchan | बॉलिवूडचे महानायक अमिताभ बच्चन (Amitabh Bachchan) हे त्यांच्या अभिनयाबरोबरच विनोदी शैलीसाठीही ओळखले जातात. सोशल मीडियावरही ते सातत्याने सक्रिय असतात. नुकताच त्यांनी X (पूर्वीचं ट्विटर) वरील फॉलोअर्स वाढत नसल्याबद्दलची एक पोस्ट शेअर केली आहे, जी अल्पावधीतच प्रचंड व्हायरल झाली आहे.
बिग बी चिंतेत, नेमका प्रकार काय?
अमिताभ बच्चन (Amitabh Bachchan) यांचे X (Twitter) वर ४९ दशलक्ष तर इंस्टाग्रामवर ३७.४ दशलक्ष फॉलोअर्स आहेत. तरीही त्यांच्या ट्विटरवरील फॉलोअर्सची संख्या वाढत नसल्याबद्दल त्यांनी चिंता व्यक्त केली आहे. ८२ वर्षीय बच्चन यांनी १४ एप्रिलच्या मध्यरात्री १२:०९ वाजता एक पोस्ट शेअर करत लिहिले की, “खूप प्रयत्न करतोय पण फॉलोअर्स ४ कोटी ९० लाखांवरच थांबलेत… काही उपाय असेल तर सांगा.” त्यांच्या या मिश्किल पोस्टवर नेटकऱ्यांनी लगेचच वेगवेगळ्या प्रकारे प्रतिसाद द्यायला सुरुवात केली.
T 5347 – बड़ी कोशिश कर रहे हैं, लेकिन ये 49M followers का नंबर बढ़ ही नहीं रहा है ।
कोई उपाय हो तो बताइए !!!— Amitabh Bachchan (@SrBachchan) April 13, 2025
नेटकऱ्यांचे भन्नाट उपाय, पण यश न मिळाल्याची कबुली
बच्चन यांच्या फॉलोअर्स वाढवण्यासाठी अनेकांनी सल्ले दिले – कुणी त्यांना न्यूज शेअर करण्यास सांगितलं, तर कुणी राजकीय मुद्यांवर मत मांडण्यास सांगितलं. काहींनी त्यांच्या पत्नी जया बच्चन यांच्यासोबत फोटो टाकण्याचा सल्लाही दिला. या सगळ्या सल्ल्यांमुळे पोस्ट अजूनच गाजली.
T 5348 – धन्यवाद उन सबका जिन्होनें मदद के कई example बताए, की फ़ॉलोवर्स कैसे बढ़ा सकते हैं ।
क्षमा चाहता हूँ – एक भी काम नहीं आया ????— Amitabh Bachchan (@SrBachchan) April 14, 2025
मात्र, यापैकी एकही सल्ला उपयोगी ठरला नाही, अशी मिश्किल कबुली खुद्द अमिताभ बच्चन यांनीच दिली. त्यांनी X वर पुन्हा एक पोस्ट करत लिहिलं, “फॉलोअर्स वाढवण्यासाठी मार्गदर्शन करणाऱ्या सर्वांचे आभार… पण क्षमस्व, यापैकी काहीही चाललं नाही!”
