Somy Ali | बॉलिवूडमधून दूर गेलेली अभिनेत्री सोमी अली (Somy Ali) हिने काही वर्षांपूर्वी अभिनेता सलमान खान (Salman Khan) सोबतच्या तिच्या त्रासदायक नात्याविषयी अनेक भावनिक पोस्टद्वारे धक्कादायक खुलासे केले होते. तिने सांगितले की, सुरुवातीला तिने लिहिलेली एक पोस्ट हटवली होती कारण त्यात वापरलेली भाषा खूप कठोर होती. मात्र नंतरच्या पोस्टमध्ये तिने सलमानबद्दल लिहिलं की तो “कधी अतिशय दयाळू, तर कधी प्रचंड क्रूर” असू शकतो.
सलमानचे अनेक स्त्रियांशी संबंध-
सोमीने (Somy Ali) तिच्या एका पोस्टमध्ये स्पष्टपणे लिहिले होतं की सलमानसोबतचा तिचा काळ हा “तिच्या आयुष्यातील सर्वात भयंकर काळ” होता. सलमानचे एकाच वेळी अनेक स्त्रियांशी संबंध होते आणि तो तिला कायमस्वरूपी “कुरूप, मूर्ख आणि वेडी” असे म्हणत असे. तो सार्वजनिक ठिकाणी तिला आपली गर्लफ्रेंड म्हणून ओळख देत नसे, आणि जेव्हा दिली, तेव्हाही मित्रांसमोर तिची टिंगल करत, अपमान करत असे.
तिने लिहिले, “दिवसाचा एकही क्षण असा जात नसे जेव्हा त्याने मला कमीपणा वाटू दिला नाही. त्याने मला इतका तुच्छ वाटायला लावलं की मी प्रेम आणि आपुलकी शोधण्यासाठी इतर नात्यांकडे वळले.” मात्र तिच्या मते, ती नातीही तिच्यासाठी आणखी त्रासदायक ठरली. जेव्हा सलमानला हे कळले, तेव्हा त्याने तिच्यावर शारीरिक अत्याचार केला आणि म्हणाला, “फक्त पुरुषच फसवू शकतात, स्त्रिया नाही.”
सलमानचा ‘दुहेरी’ स्वभाव –
सोमीने सलमानच्या स्वभावाबद्दल लिहिताना असेही सांगितले की तो काही प्राण्यांशी आणि काही कलाकारांशी प्रेमळ वागतो, पण इतरांशी कठोर. तिच्या (Somy Ali) म्हणण्यानुसार, सलमानने गायक अरिजित सिंग आणि अभिनेता विवेक ओबेरॉयसोबत देखील वाद निर्माण केले होते. तिने त्याची तुलना अमेरिकेचे माजी राष्ट्राध्यक्ष बिल क्लिंटन (Bill Clinton) यांच्याशी केली, जे सार्वजनिकदृष्ट्या लोकप्रिय होते पण खासगी जीवनात वादग्रस्त.
View this post on Instagram
एक पोस्टमध्ये तिने स्पष्टपणे लिहिले, “लोकांना तो उदार आणि काळजी करणारा वाटू शकतो, पण माझा अनुभव वेगळाच होता. त्याचं वागणं काहींसोबत अतिशय चांगलं असतं, पण काहींसोबत तेवढंच क्रूर. माझ्यावर जे घडलं ते अगदी भयंकर होतं, आणि २० वर्षांनंतरही तो त्रास परत आठवतोय.”
