Solapur | सोलापूर येथील प्रख्यात न्यूरोसर्जन डॉ. शिरीष वळसंगकर (Dr. Shirish Valsangkar) यांनी आत्महत्या केल्याप्रकरणी, त्यांच्याच रुग्णालयातील प्रशासकीय अधिकारी मनीषा महेश मुसळे उर्फ मनीषा माने (Manisha Mahesh Musale alias Manisha Mane) हिला अटक करण्यात आली आहे. तिला न्यायालयाने तीन दिवसांची पोलीस कोठडी सुनावली आहे. डॉ. वळसंगकर यांचे पुत्र डॉ. आश्विन शिरीष वळसंगकर (Dr. Ashwin Shirish Valsangkar) यांनी दाखल केलेल्या फिर्यादीनुसार, मनीषा मानेच्या त्रासाला कंटाळून वडिलांनी आत्महत्या केली.

रुग्णालयातील प्रशासकीय अधिकारी

वळसंगकर हॉस्पिटलमध्ये (Valsangkar Hospital) प्रशासकीय अधिकारी म्हणून काम करणारी मनीषा माने ही मूळची सामान्य कुटुंबातील आहे. शालेय शिक्षण घेत असतानाच ती डॉ. वळसंगकर यांच्या रुग्णालयात कामाला लागली होती. गेल्या २० ते २५ वर्षांच्या काळात तिने हळूहळू केवळ डॉक्टरांचाच नव्हे, तर त्यांच्या कुटुंबीयांचाही विश्वास संपादन केला आणि ती जणू त्यांच्या घरातली सदस्य बनली. याच काळात तिने रुग्णालयातही आपले स्थान भक्कम केले.

काही जणांच्या मते, कालांतराने रुग्णालयात डॉ. वळसंगकर यांच्यानंतर मनीषा मानेचाच शब्द अंतिम मानला जाऊ लागला. तिचे प्रस्थ इतके वाढले होते की, डॉक्टर वगळता इतर सर्व कर्मचारी तिला घाबरून असायचे आणि तिच्या संमतीशिवाय रुग्णालयात कोणतेही काम होत नव्हते, अशी चर्चा आहे. तिच्या राहणीमानावरूनही तिच्या आर्थिक स्थितीबद्दल बोलले जात आहे.

ईमेलद्वारे धमकी

अलीकडच्या काळात मनीषाच्या अधिकारांमध्ये आणि पगारात कपात करण्यात आल्याने ती नाराज होती. तिने डॉ. शिरीष वळसंगकर यांना एक ई-मेल पाठवून, ‘आपल्या रुग्णालयात इतकी वर्षे काम करूनही आता अचानक अधिकार कमी केले जात आहेत, पगार कमी केला जात आहे, हे योग्य नाही. असेच सुरू राहिल्यास मी आत्मदहन करेन,’ अशी धमकी दिली होती. या ईमेलमुळे डॉ. वळसंगकर यांना मानसिक धक्का बसला होता आणि त्यांनी तिला बोलावून समजावण्याचा प्रयत्नही केला होता, असे समजते.

डॉ. आश्विन वळसंगकर यांनी सदर बझार पोलीस ठाण्यात (Sadar Bazaar Police Station) दिलेल्या फिर्यादीत म्हटले आहे की, फिर्यादीने (डॉ. आश्विन) आरोपीस) वेळोवेळी सहकार्य करूनही, तिने त्यांच्यावर खोटे आरोप केले आणि धमकीवजा पत्र पाठवले. तिच्या या त्रासाला कंटाळूनच वडिलांनी १८ एप्रिल रोजी रात्री राहत्या घरी स्वतःच्या परवानाधारक पिस्तुलाने गोळी झाडून आत्महत्या केली. त्यामुळे वडिलांच्या मृत्यूस मनीषा मानेच कारणीभूत असल्याचा आरोप फिर्यादीत करण्यात आला आहे. पोलीस सध्या याच दिशेने तपास करत आहेत.

Title : Solapur  Doctor Suicide Accused Officer’s Influence Detailed