SBI Har Ghar Lakhpati Scheme | देशातील सार्वजनिक क्षेत्रातील (Public Sector) आघाडीची बँक असलेल्या भारतीय स्टेट बँकेने (State Bank of India – SBI) प्रत्येक नागरिकाला (Citizen) लखपती (Millionaire) बनवण्यासाठी एक खास योजना आणली आहे.

‘हर घर लखपती’ असे या योजनेचे नाव आहे. या योजनेचा फायदा 18 वर्षांखालील (Below 18 Years) व्यक्तींना देखील घेता येणार आहे.

‘हर घर लखपती’ योजना: एक रिकरिंग डिपॉझिट योजना

‘हर घर लखपती’ ही एक रिकरिंग डिपॉझिट (Recurring Deposit – RD) योजना आहे. याद्वारे, गुंतवणूकदार (Investors) दरमहा थोडी बचत (Saving) करून मोठा निधी (Fund) साठवू शकतात. या योजनेचा ज्येष्ठ नागरिकांना (Senior Citizens) अधिक फायदा होणार आहे, कारण त्यांना सर्वसामान्य गुंतवणूकदारांपेक्षा अधिक व्याज मिळणार आहे.

या योजनेत सामान्य गुंतवणूकदारांना 6.75 टक्के व्याज दिले जाणार आहे, तर ज्येष्ठ नागरिकांना तब्बल 7.25 टक्के व्याज दिले जाईल. एसबीआय कर्मचाऱ्याने (SBI Employees) या योजनेत गुंतवणूक केल्यास त्यांना 8 टक्क्यांपर्यंत व्याज मिळेल. ग्राहकाचा प्रकार आणि मॅच्युरिटी कालावधीनुसार (Maturity Period) हे व्याजदर वेगवेगळे आहेत.

लहान बचतीतून मोठे स्वप्न साकार करा

दर महिन्याला थोडी बचत करून मोठा निधी उभारता यावा, यासाठी एसबीआयने ही योजना आणली आहे. या योजनेतून एखाद्या गुंतवणूकदाराला तीन वर्षांत (3 Years) एक लाख रुपये उभे करायचे असतील, तर त्याला तीन वर्षांसाठी दरमहा 2,500 रुपये या योजनेमध्ये गुंतवावे लागतील. त्यानंतर त्याला तीन वर्षानंतर गुंतवणुकीची रक्कम आणि व्याज असे मिळून सुमारे एक लाख रुपये मिळतील.

ही योजना अशा लोकांसाठी वरदान ठरू शकते ज्यांना नियमितपणे थोडी थोडी रक्कम बचत करून आपले लखपती होण्याचे स्वप्न पूर्ण करायचे आहे.

Title : SBI Har Ghar Lakhpati Scheme