Santosh Deshmukh | फॉरेन्सिक तपासणीतून हत्या प्रकरणातील नवे धागेदोरे उलगडले. बीड जिल्ह्यातील मस्साजोग गावचे माजी सरपंच संतोष देशमुख यांच्या हत्येप्रकरणी फॉरेन्सिक अहवालातून महत्त्वाचे तपशील समोर आले आहेत. या अहवालानुसार, गुन्ह्यात वापरलेल्या वाहनातील रक्ताचे डाग, शारीरिक संघर्षाचे चिन्हे आणि इतर वैज्ञानिक पुरावे मिळाले आहेत, ज्यामुळे तपासाला नव्या दिशा मिळाल्या आहेत.
गुन्ह्यात वापरलेल्या वाहनाचे फॉरेन्सिक विश्लेषण
फॉरेन्सिक तज्ज्ञांनी गुन्ह्यात (Santosh Deshmukh) वापरलेल्या कारचे सखोल परीक्षण केले आहे. या तपासणीत कारच्या आतील भागात रक्ताचे डाग, केस, आणि इतर जैविक पुरावे आढळले आहेत. तसेच, वाहनाच्या बाह्यभागावर संघर्षाच्या खुणा आणि स्क्रॅचेस देखील आढळले आहेत, ज्यामुळे हत्येच्या घटनेबाबत अधिक स्पष्टता येऊ शकते.
तपास अधिकाऱ्यांचे विधान आणि पुढील पावले
तपास अधिकाऱ्यांनी सांगितले की, “फॉरेन्सिक अहवालातील निष्कर्ष आमच्या तपासासाठी अत्यंत महत्त्वाचे आहेत. या पुराव्यांच्या आधारे आम्ही आरोपींची चौकशी अधिक तीव्र करू आणि न्यायालयात ठोस पुरावे सादर करू.” पुढील तपासात या फॉरेन्सिक निष्कर्षांचा वापर करून आरोपींवर आरोपपत्र दाखल करण्याची प्रक्रिया वेगाने पूर्ण (Santosh Deshmukh) केली जाणार आहे.
आरोपीच्या वकिलांची मागणी आणि पुढील सुनावणी
वाल्मीक कराड यांच्या वकील विकास खाडे (Vikas Khade) यांनी कोर्टात युक्तिवाद करताना सांगितलं की, सरकारी पक्षाने सादर केलेले पुरावे – सीडीआर, लोकेशन डेटा आणि इतर महत्त्वाची कागदपत्रं अद्याप मिळालेली नाहीत. त्यामुळे योग्य तयारी न करता केस ओपन करणं योग्य ठरणार नाही, असा युक्तिवाद त्यांनी केला. त्यांनी मागील तारखेलाही पुराव्यांसाठी अर्ज केला होता आणि आज पुन्हा तोच अर्ज सादर केला.
एक तासाच्या आत सर्व पुरावे देणार-
त्यावर न्यायालयाने आरोपीच्या वकिलांची मागणी मान्य करत सर्व कागदपत्रे उपलब्ध करून देण्याचे आदेश दिले. उज्ज्वल निकम यांनीही एक तासाच्या आत सर्व पुरावे देण्याचे आश्वासन दिले. यानंतर न्यायालयाने आरोपी पक्षाला वेळ देत पुढील सुनावणीची तारीख १० एप्रिल निश्चित केली आहे. विशेष म्हणजे, या खटल्यातील गुंतागुंतीचा घटनाक्रम, संबंधितांचे बिनधास्त वर्तन आणि पोलिसांच्या प्राथमिक दुर्लक्षावरही कोर्टात प्रश्न उपस्थित झाले.
