Sanjay Raut |  शिंदे आणि भाजप सरकारचं राज्य आल्यापासून राज्यातील गुन्हेगारी वाढताना दिसत आहे. उल्हासनगरमध्ये हिललाईन पोलीस ठाण्यामध्ये गणपत गायकवाड प्रकरण घडलं आणि त्यानंतर शिंदे गटाचे नेते श्रीकांत शिंदे यांच्या वाढदिवसानिमित्त पुण्यातील कुख्यात गुंड हेमंत दाभेकर यानं वाढदिवसाच्या शुभेच्छा दिल्या असल्याचा फोटो सोशल मीडियावर व्हायरल होऊ लागला. अशातच आता मुख्यमंत्री एकनाथ शिंदे यांचा देखील गुन्हेगारांसोबतचा फोटो व्हायरल झाला आहे. यावर शिवसेना ठाकरे गटाचे खासदार संजय राऊत (Sanjay Raut) यांनी टीका केली.

पिता-पुत्रांचा गुन्हेगारांशी संबंध?

आधी श्रीकांत शिंदे यांच्यासोबत पुण्यातील कुख्यात गुंड हेमंत दाभेकरचा फोटो व्हायरल झाला. तर अशातच मुख्यमंत्री एकनाथ शिंदे यांच्यासोबत पुण्यातील गणेश घायवळ या गुंडाचा फोटो व्हायरल झाला आहे. यामुळे सध्याच्या राज्यातील राजकारणामध्ये गुंडाराज असल्याच्या टीका विरोधकांकडून होताना दिसत आहे. पिता-पुत्राचा गुंडांसोबतचा फोटो व्हायरल झाल्यानं त्याचा गुन्हेगारांशी संबंध असल्याच्या चर्चा होत आहेत. यावर संजय राऊत (Sanjay Raut) यांनी पुणं हे विद्येचं माहेरघर आहे आणि आज ही काय अवस्था करून ठेवली आहे?, असा सवाल उपस्थित केला आहे.

काय म्हणाले संजय राऊत? 

महाराष्ट्रात गुंडा राज आणि दरोडेखोरांनी गुंडांसाठी चालवलेले राज्य! हे महाशय कोण आहेत? त्यांचे नेमके कर्तुत्व काय याचा खुलासा गृहमंत्री आणि पुणे पोलीस आयुक्तांनी करावा. कायद्याचे राज्य असे असते काय? पुणे संस्कृती आणि विद्येचे माहेरघर होते..आज ही काय अवस्था करुन ठेवली आहे मोदी शहा यांच्या राज्यकर्त्या टोळीने.., असं राऊतांनी म्हटलंय.

महाराष्ट्रात गुंडा राज:
गुंड आणि दरोडेखोरांनी गुंडांसाठी चालविलेले राज्य!
हे महाशय कोण आहेत?
त्यांचे नेमके कर्तुत्व काय याचा खुलासा गृहमंत्री आणि पुणे पोलीस आयुक्तांनी करावा.कायद्याचे राज्य असे असते काय? पुणे संस्कृती आणि विद्येचे माहेरघर होते..आज ही काय अवस्था करुन ठेवली आहे… pic.twitter.com/n1L3722t1c

— Sanjay Raut (@rautsanjay61) February 6, 2024

गणेश घायवळ कोण? 

गणेश घायवळ हा पुण्यातील कुख्यात गुंड आहे. त्याचा मुख्यमंत्र्यांसोबतचा एक फोटो सोशल मीडियावर व्हायरल होऊ लागला. गणेश घायवळ टोळीचा आणि मारणे टोळीचा अनेक वर्षांपासून वाद आहे. घावळवर 23 ते 24 गुन्हे आहेत. 2010 मध्ये हा वाद झाला असून 2019 मध्ये घायवळ टोळीतील गुन्हेगारांची सुटका झाली आहे.

गजा मारणे आणि पार्थ पवार भेट 

पुण्यातील कोथरूड मतदारसंघाची पाहणी करण्यासाठी पार्थ पवार गेले. यावेळी त्यांनी कुख्यात गुंड गजा मारणे याची भेट घेतली आहे. तसेच त्याची पत्नी जयश्री मारणेची देखील भेट घेतली आहे. यावरून राज्यभरातून टीका केली जात होती.

गेल्या काही दिवसांपासून राज्यामध्ये गणपत गायकवाड प्रकरण घडलं आहे. तसेच श्रीकांत शिंदेंसोबत गुन्हेगार हेमंत दाभेकरचा फोटो व्हायरल झाला. त्याचप्रमाणे एकनाथ शिंदेंसोबत गुन्हेगार गणेश घायवळ यांचा फोटो व्हायरल झाला. मात्र पिता-पुत्रांनी यावर मौन बाळगलं आहे.

News Title – Sanjay Raut Share  Eknath Shinde Photo With Gangster

महत्त्वाच्या बातम्या

घटस्फोटानंतर किरण सोबतच्या नात्याबाबत आमिर खानचा मोठा खुलासा, म्हणाला..

रोहित शर्माकडून कर्णधारपद का काढलं?, मोठा खुलासा आला समोर

IND vs ENG: गांगुलीच्या वक्तव्यामुळे गदारोळ; द्रविडची तिखट प्रतिक्रिया, भारताचा विजय पण…

“आम्हाला संपूर्ण जगाशी मैत्री हवी आहे पण…”, Amit Shah यांचा दहशतवाद्यांना इशारा

Narendra Modi | महागाईवरून काँग्रेसवर घणाघात; मोदींच्या लोकसभेतील भाषणातील 10 प्रमुख मुद्दे, वाचा