Rss l जम्मू-काश्मीरमधील (Jammu Kashmir) पहलगाम (Pahalgam) येथे झालेल्या दहशतवादी हल्ल्याच्या पार्श्वभूमीवर, राष्ट्रीय स्वयंसेवक संघाचे (RSS – Rashtriya Swayamsevak Sangh) ज्येष्ठ नेते के. प्रभाकर भट (K. Prabhakar Bhat) यांनी हिंदूंना (Hindus) स्वसंरक्षणासाठी घरात तलवारी आणि चाकू ठेवण्याचा सल्ला दिला आहे. त्यांच्या या वक्तव्यामुळे नवा वाद निर्माण होण्याची शक्यता आहे.
पहलगाम हल्ल्याचा संदर्भ देत शस्त्र बाळगण्याचा सल्ला
केरळमधील (Kerala) कासारगोड (Kasaragod) जिल्ह्यातील मंजेश्वर (Manjeshwar) येथील वरकाडी (Varkady) येथे सोमवारी एका कार्यक्रमात बोलताना प्रभाकर भट (Prabhakar Bhat) यांनी हे विधान केले. पहलगाम (Pahalgam) येथे झालेल्या हल्ल्यात दहशतवाद्यांनी धर्म विचारून हिंदूंची हत्या केल्याचा संदर्भ देत, त्यांनी हिंदूंना शस्त्रसज्ज राहण्याचे आवाहन केले. (Pahalgam Terror Attack)
“प्रत्येक हिंदूच्या (Hindu) घरात तलवार असायला हवी. जर पहलगाम (Pahalgam) हल्ल्यावेळी हिंदूंनी तलवार दाखवली असती, तर ते पुरेसे ठरले असते,” असे भट (Bhat) म्हणाले. त्यांनी महिलांनाही त्यांच्या बॅगेत नेहमीच्या वस्तूंसोबत चाकू ठेवण्यास सांगितले.
‘चाकूसाठी परवाना लागत नाही’, संघर्षाची तयारी ठेवा
“सहा इंचाचा चाकू ठेवण्यासाठी कोणत्याही ‘परवान्या’ची गरज नाही,” असा दावा करत भट (Bhat) पुढे म्हणाले, “जर तुम्ही संध्याकाळी बाहेर असाल आणि हल्ला होण्याची शक्यता वाटल्यास, हल्लेखोराकडे विनंती करू नका, फक्त त्याला चाकू दाखवा, तो पळून जाईल.”
भूतकाळातील जातीय तणावाचा उल्लेख करत ते म्हणाले, “पूर्वी हिंदू-मुस्लिम संघर्षाच्या वेळी हिंदू पळून जायचे. आता चित्र बदलत आहे. आपण संघर्षासाठी सज्ज असले पाहिजे आणि प्रत्येकाने घरी तलवार ठेवली पाहिजे.” त्यांच्या या वक्तव्यावर अनेकांनी आक्षेप घेतला असला तरी, पोलिसांकडून अद्याप कोणतीही अधिकृत प्रतिक्रिया आलेली नाही. पहलगाम (Pahalgam) हल्ल्यानंतर हिंदू समाजात असलेल्या संतापाच्या आणि असुरक्षिततेच्या भावनेच्या पार्श्वभूमीवर हे विधान आले आहे.
