RailOne App | भारतीय रेल्वेने तिकीट बुकिंग प्रक्रियेत मोठा बदल केला आहे. १ मार्चपासून जुने UTS अॅप संपूर्ण देशात बंद होणार असून, त्याऐवजी RailOne अॅपवर सर्व तिकीट बुकिंग सेवा उपलब्ध होतील. आता प्रवाशांना जनरल तिकीट, प्लॅटफॉर्म तिकीट आणि इतर प्रवासाशी संबंधित सुविधा एकाच अॅपमधून मिळतील, जेणेकरून तिकीट बुकिंग अधिक सोपी आणि जलद होईल.
नवीन अॅपचे वैशिष्ट्ये :
RailOne अॅप वापरून प्रवाशांना वेगवेगळ्या अॅप्समध्ये जाऊन तिकीट बुक करण्याची गरज राहणार नाही. या अॅपमध्ये जनरल तिकीट, प्लॅटफॉर्म तिकीट, आरक्षित सीट किंवा बर्थ बुकिंग, ट्रेनची लाईव्ह स्टेटस व लोकेशन तसेच प्रवासाशी संबंधित इतर सेवा एकाच ठिकाणी उपलब्ध होतील. त्यामुळे तिकीट बुकिंगची प्रक्रिया आधीपेक्षा सुलभ होईल आणि वेळ वाचेल.
UTS अॅप बंद होण्याने IRCTC किंवा इतर प्लॅटफॉर्मवरून तिकीट बुक करण्याची गरज संपणार आहे. RailOne अॅप सर्व तिकीटिंग काम एकाच ठिकाणी करते, त्यामुळे प्रवाशांना अॅप बदलण्याची त्रासदायक प्रक्रिया टाळता येईल. यामुळे तिकीट बुकिंग आता अधिक जलद आणि सुरक्षित होईल.
RailOne App | RailOne अॅपवर तिकीट कसे बुक कराल :
RailOne अॅप उघडा आणि Journey Planner वर जा. “Unreserved” पर्याय निवडा, नंतर From Station आणि To Station मध्ये प्रवासाचे स्टेशन टाका. GPS ऑन करून अॅपला तुमचे लोकेशन तपासू द्या. Mail, Express आणि Superfast ट्रेनसाठी तिकीट बुक करा. सर्व माहिती योग्य आहे की नाही ते तपासल्यानंतर पेमेंट पूर्ण करा. तिकीट पाहण्यासाठी My Tickets सेक्शनमध्ये जा आणि PDF डाउनलोड करून ठेवता येईल.
