PWD Department | मध्य प्रदेशातील सार्वजनिक बांधकाम विभागातील (PWD) एका प्रकरणाने अधिकाऱ्यांचे धाबे दणाणले आहेत. या विभागातील 100 हून अधिक अधिकाऱ्यांवर बनावट जात प्रमाणपत्र तयार करून नोकरी मिळवून त्याच जात प्रमाणपत्राच्या आधारे पदोन्नती मिळवल्याचा आरोप आहे. यासंदर्भात वरिष्ठांकडे तक्रारही करण्यात आली आहे. लक्षणीय बाब म्हणजे केवळ छोट्या मोठ्या अधिकाऱ्यावंरच नाही तर जेईपासून विभागाच्या सचिवांपर्यंत सर्वांची चौकशी सुरू आहे.

सध्या मध्य प्रदेशच्या सार्वजनिक बांधकाम विभागात सचिव, मुख्य अभियंता, मुख्य अभियंता, एक्सईएन आणि जेई यांची चौकशी सुरू असल्याची माहिती विभागीय सूत्रांनी दिली. राज्य तपास समिती मागील अनेक वर्षांपासून या प्रकरणाचा तपास करत आहे. तपास सुरू झाल्यानंतरही बहुतांश अधिकाऱ्यांना पदोन्नती मिळाली, मात्र अद्याप तपासात प्रगती न झाल्याने कोणावरही कारवाई झालेली नाही.

नोकरीसाठी जात बदलली!

बनावट जात प्रमाणपत्राच्या एका प्रकरणात सार्वजनिक बांधकाम विभागाचे मुख्य अभियंता यांना त्यांच्या सेवानिवृत्तीच्या दिवशी विभागाच्या मंत्र्याला संबंधित प्रकार निदर्शनास आणून द्यावा लागला. त्यांनी ही अत्यंत गंभीर बाब असल्याचे म्हटले आहे. ही नोटशीट अधिकाऱ्यापर्यंत पोहोचली तोपर्यंत ते निवृत्त होऊन घरी गेले होते, त्यामुळे पुन्हा एकदा हे प्रकरण रखडले होते.

मिळालेल्या माहितीनुसार, ईएनसी विभागाच्या प्रमुखावरही बनावट जात प्रमाणपत्राच्या आधारे नोकरी आणि पदोन्नती मिळवल्याचा आरोप आहे. त्यांच्याविरुद्धही चौकशी सुरू आहे. पीडब्ल्यूडीमध्ये आयएनसी असलेले नरेंद्र कुमार यांच्याविरुद्ध अशा अनेक तक्रारी आहेत, परंतु ते निवृत्त झाले तरीही तपास पुढे जाऊ शकला नाही.

PWD Department 136 जण रडारवर

दरम्यान, विभागाच्या सचिवांची देखील तीच स्थिती आहे. राज्य तपास समितीकडून मिळालेल्या माहितीनुसार, सध्या एकट्या सार्वजनिक बांधकाम विभागाच्या एकूण 136 अधिकाऱ्यांविरुद्ध तक्रारी प्रलंबित आहेत. तपासाअंती संबंधितांवर कारवाई होण्याची शक्यता आहे.

प्रलंबित तक्रारींच्या यादीत पीडब्ल्यूडीचे सचिव आर के मेहरा, एससी वर्मा, मुख्य अभियंता जिले सिंग, पीआययूसह प्रकल्प संचालक संजय खांडे, मुख्य अभियंता अपूर्व गौर, आशिष रघुवंशी आणि निशांत पचौरी यांची प्रमुख नावे आहेत. त्यामुळे यांच्यावर कारवाई होते का आणि तपास पुढे जातो का हे पाहण्याजोगे असेल.

News Title- In Madhya Pradesh, 136 people in PWD Department have been accused of changing their caste for employment

महत्त्वाच्या बातम्या –

लेक प्रसिद्धीच्या शिखरावर अन् ‘बापमाणूस’ जमिनीवर; Rinku Singh च्या वडिलांचा भावनिक video

14 वर्षापूर्वी मित्राचं ऐकलं असतं तर आज पश्चात्ताप झाला नसता; Sania Mirza चं मोठं विधान

“सरकार पाडण्यासाठी ‘आप’च्या आमदारांना 25 कोटींची ऑफर”, Arvind Kejriwal यांचा गौप्यस्फोट

सेल्फी घेताना तरूणीचा Bobby Deol ला KISS, अभिनेताही अवाक्, video viral

Rohan Bopanna 43 व्या वर्षी ग्रँड स्लॅम विजेता! वयाचा दाखला देत आव्हाडांची विरोधकांवर टीका