Pune News | पुण्यात धक्कादायक घटना, आगीत होरपळून 7 जणांचा मृत्यू, आकडा वाढण्याची शक्यता

On: December 8, 2023 9:58 PM

---Advertisement---

Pune News | पुण्यातून एक धक्कादायक बातमी समोर आली आहे. पिंपरी चिंचवड शहरातील तळवडे भागात असलेल्या एका फटाक्याच्या गोदामाला आग लागली आहे. या आगीत अनेक कामगार जखमी झाले असून, काही कामगार अद्यापही बेपत्ता आहेत.

नेमकं काय आहे प्रकरण?

तळवडे परिसरात (Pune News) दुपारच्या सुमारास एका गोदामाला आग लागली. माध्यमांकडून समोर अलेल्या माहितीनुसार, फटाक्यांच्या गोदामाला भीषण आग लागली. या आगीमुळे एकच खळबळ उडाली. आगीने क्षणार्धात रौद्ररुप धारण केलं.

आग इतकी भयानक होती की, गोदामातील कर्मचाऱ्यांना बाहेर देखील पडता आलं नाही. अनेक कामगार आगीत होरपळले. अतिशय हृदयद्रावक अशी ही घटना आहे. अचानक घडलेल्या या घटनेमुळे परिसरातील नागरीकही सैरभैर झाले आहेत. हे काय घडलं आणि कसं घडलं? याची एकच चर्चा रंगली होती.

हा प्रकार समजताच अग्निशामक दलाच्या जवानांनी घटनास्थळी (Pune News) धाव घेऊन आग विझवली. जखमी आणि मृत महिलांना बाहेर काढलं. स्पार्कल कॅण्डल बनविण्याच्या ज्वलनशील पदार्थाचा स्फोट झाल्याने जागेवरच 6 महिलांचा मृत्यू झाला. आग इतकी भयंकर होती की मृतांची ओळख पटवणे देखील मुश्किल झाले आहे.

या घटनेमुळे फटाके गोदामांमध्ये सुरक्षा उपाययोजनांची आवश्यकता अधोरेखित झाली आहे. फटाके गोदामांना योग्य परवानगी आणि नियमांचे पालन करणे आवश्यक आहे, हे यानिमित्ताने समोर आले आहे.

Pune News: दोषींवर कारवाईची मागणी

या घटनेत मृत्यूमुखी पडलेल्यांच्या कुटुंबियांना आपल्या प्रिय व्यक्तींना गमवावं लागलं आहे. या प्रकरणातील दोषींवर योग्य कारवाई होणे गरजेचे आहे. या घटनेचा तपास करून दोषींवर कायदेशीर कारवाई केली जात आहे.

आगीचे कारण आणि परिणाम अद्याप स्पष्ट झालेले नाही. मात्र, आगीत गोदामात साठवलेल्या फटाक्यांचे स्फोट झाल्याचा अंदाज वर्तवला जात आहे. फटाके हे ज्वलनशील पदार्थ असतात आणि त्यांचा स्फोट होऊ शकतो. या गोदामात साठवलेल्या फटाक्यांचा स्फोट झाला असेल तर त्याचे परिणाम अतिशय भयंकर झाले असतील. ते अद्याप पूर्णपणे समोर आलेलं नाही.