Pune News | पुणे वाहतूक पोलिसांनी (Pune Traffic Police) शहरातील वाहतूक अधिक सुरक्षित आणि सुरळीत करण्यासाठी भारती विद्यापीठ, डेक्कन आणि कोंढवा वाहतूक विभागांतर्गत काही अंतिम आणि काही तात्पुरते आदेश जारी केले आहेत. नो-पार्किंग झोनसह (No-Parking Zones) काही नवीन वाहतूक नियम लागू करण्यात आले आहेत.

भारती विद्यापीठ वाहतूक विभागातील बदल-

कदम प्लाझा ते लेक टाऊन (बिबवेवाडी) या मार्गावरील रामनाथ स्विट्स समोरील भिंतीपासून ते ग्रीन पार्क इमारत (पिझ्झा हट समोर) पर्यंत (173 मीटर) दोन्ही बाजूंना नो-पार्किंग क्षेत्र घोषित करण्यात आले आहे.

डेक्कन वाहतूक विभागातील बदल-

कमला नेहरू पार्क (Kamala Nehru Park) प्रवेशद्वारासमोरील सनराईज सोसायटी लेन ते सरदेसाई रुग्णालयापर्यंत रस्त्याच्या दोन्ही बाजूंना नो-पार्किंग क्षेत्र घोषित करण्यात आले आहे.

कोंढवा वाहतूक विभागातील बदल-

ट्रिबेका हायस्ट्रीट सोसायटी मुख्य प्रवेशद्वार ते ट्रिबेका हायस्ट्रीट शॉपरशॉपच्या शेवटच्या दुकानापर्यंत (३०० मीटर) नो-पार्किंग झोन घोषित करण्यात आला आहे.

तात्पुरते वाहतूक बदल-

डेक्कन वाहतूक विभाग:

बी.एम.सी.सी. रोड (BMCC Road) वरील एन.सी.सी. कॅम्प प्रवेशद्वार ते एस.एस.सी. बोर्ड कार्यालयाकडे जाणारा मार्ग (२० मीटर) नो-पार्किंग झोन घोषित करण्यात आला आहे.

प्रभात रोड गल्ली क्र. २ आणि गल्ली क्र. ३ ला जोडणाऱ्या उपगल्ली क्र. १ मध्ये:

दुचाकींसाठी पी-१, पी-२ पार्किंग उपलब्ध.

चारचाकी वाहनांसाठी लक्ष्मी निवास ते अभिनंदन बंगला दरम्यान पी-१, पी-२ पार्किंग सुविधा देण्यात आली आहे.

अ‍ॅड. अभ्यंकर चौक येथे १५ फूट अंतरावर चारचाकी वाहनांसाठी पार्किंग उपलब्ध.

नागरिकांना सूचना देण्यासाठी अंतिम संधी-

नागरिकांना या वाहतूक बदलांबाबत काही सूचना अथवा हरकती असल्यास त्या २० फेब्रुवारी २०२५ पर्यंत लेखी स्वरूपात पोलीस उपआयुक्त, वाहतूक नियंत्रण शाखा, येरवडा पोस्ट ऑफिस जवळ, बंगला क्रमांक ६, विमानतळ मार्ग, पुणे येथे सादर कराव्यात.

पोलीस उपआयुक्त अमोल झेंडे (DCP Amol Zende) यांनी सांगितले की, नागरिकांच्या सूचना विचारात घेतल्यानंतर अंतिम आदेश निर्गमित केले जातील.

पुणेकरांनी कशाची काळजी घ्यावी?

नवीन नो-पार्किंग झोन तपासा आणि नियमांचे पालन करा.
वाहन उभी करताना पी-1, पी-2 पार्किंग चिन्हे पहा.
वाहतूक विभागाच्या (Pune News) अधिकृत घोषणांकडे लक्ष ठेवा.
सूचना द्यायच्या असल्यास 20 फेब्रुवारीपूर्वी पोलीस विभागाशी संपर्क साधा. वाहतूक नियमांचे पालन करून ट्रॅफिक समस्यांपासून बचाव करूया.

News Title  : Pune News No-Parking Zones & New Rules