PAN Card New Rule | भारतामध्ये आर्थिक व्यवहारांसाठी PAN कार्ड हे अत्यंत महत्त्वाचे दस्तऐवज मानले जाते. बँक व्यवहार, आयकर भरणे, गुंतवणूक किंवा मोठे आर्थिक व्यवहार करताना PAN कार्ड आवश्यक असते. दरम्यान आता PAN कार्डसंदर्भातील नियमांमध्ये मोठा बदल करण्यात येणार असून 1 एप्रिल 2026 पासून नवे नियम लागू होणार आहेत. (PAN card application rule change)
सध्या नवीन PAN कार्डसाठी केवळ आधार कार्डच्या मदतीने अर्ज करण्याची सुविधा उपलब्ध आहे. मात्र सरकारने या प्रक्रियेत बदल करण्याचा निर्णय घेतला आहे. त्यामुळे 31 मार्च 2026 पर्यंतच फक्त आधारच्या आधारे PAN साठी अर्ज करता येणार असून त्यानंतर अर्ज करताना अतिरिक्त कागदपत्र सादर करणे बंधनकारक होणार आहे.
1 एप्रिलपासून काय बदलणार? :
नव्या नियमांनुसार 2026-27 आर्थिक वर्षापासून PAN कार्डसाठी अर्ज करताना आधार कार्डसोबत जन्मतारखेचा अधिकृत पुरावा देणे आवश्यक असेल. यामुळे अर्जदाराची ओळख अधिक अचूकपणे पडताळता येणार आहे. (PAN Card New Rule)
सरकारच्या मते, हा बदल कर प्रणाली अधिक पारदर्शक आणि सुरक्षित बनवण्यासाठी करण्यात येत आहे. अनेकदा एका व्यक्तीच्या नावावर एकापेक्षा जास्त PAN कार्ड तयार होण्याच्या घटना समोर येतात. नव्या नियमांमुळे अशा प्रकारच्या फसवणुकीला आळा बसण्याची शक्यता व्यक्त केली जात आहे.
PAN Card New Rule | कोणती कागदपत्रे लागणार? :
नव्या नियमांनुसार PAN कार्डसाठी अर्ज करताना काही अतिरिक्त कागदपत्रे सादर करावी लागतील. यामध्ये जन्म प्रमाणपत्र, मतदार ओळखपत्र, दहावीची मार्कशीट किंवा प्रमाणपत्र, ड्रायव्हिंग लायसन्स, पासपोर्ट तसेच मजिस्ट्रेटकडून प्रमाणित शपथपत्र यांचा समावेश असू शकतो.
तसेच अर्ज करताना दिलेले नाव आणि इतर तपशील आधार कार्डवरील माहितीशी जुळणे आवश्यक असेल. यामुळे वेगवेगळ्या कागदपत्रांमध्ये नावातील फरक कमी होईल आणि करदात्यांची माहिती अधिक अचूक राहील.
PAN कार्डसाठी ऑनलाइन अर्ज कसा करायचा?
PAN कार्डसाठी ऑनलाइन अर्ज करण्यासाठी सर्वप्रथम NSDL च्या अधिकृत संकेतस्थळावर जाऊन “Apply Online” पर्याय निवडावा लागतो. त्यानंतर “New PAN – Indian Citizen (Form 49A)” हा पर्याय निवडून वैयक्तिक माहिती भरावी लागते. (PAN card application rule change)
यानंतर मोबाईल नंबर आणि ईमेल आयडीची नोंद करून OTP द्वारे पडताळणी करावी लागते. अर्ज पूर्ण केल्यानंतर ऑनलाइन शुल्क भरून अंतिम सबमिट केल्यास अर्जाची प्रक्रिया पूर्ण होते. त्यानंतर आवश्यक पडताळणी पूर्ण झाल्यावर अर्जदाराला PAN कार्ड जारी केले जाते.
एकूणच, नवीन नियमांमुळे PAN कार्ड अर्ज प्रक्रिया अधिक सुरक्षित आणि पारदर्शक होण्याची अपेक्षा व्यक्त केली जात आहे.
