वैद्यकीय पदवी अभ्यासक्रमाच्या प्रवेशासाठी होणाऱ्या नीट यूजी (NEET UG) परीक्षेच्या पद्धतीत महत्त्वपूर्ण बदल करण्यात आला आहे. नॅशनल टेस्टिंग एजन्सीने (NTA) घेतलेल्या निर्णयानुसार, आता ही परीक्षा कोरोनापूर्व काळाप्रमाणे (Pre-Corona) घेतली जाणार आहे. याचाच अर्थ, यंदापासून विद्यार्थ्यांना परीक्षेमध्ये पर्यायी प्रश्न (Optional Questions) नसतील. त्यामुळे आता विद्यार्थ्यांना १८० प्रश्न १८० मिनिटांमध्येच सोडवावे लागणार आहेत.
या नव्या बदलानुसार, परीक्षेदरम्यान विद्यार्थ्यांना कोणताही अतिरिक्त वेळ (Extra Time) मिळणार नाही. हे लक्षात घेऊन विद्यार्थ्यांनी वेळेचे योग्य नियोजन करणे आवश्यक ठरणार आहे.
परीक्षेचे स्वरूप :
नवीन नियमानुसार, नीट यूजी परीक्षेत आता ‘ब’ गट (Section B) नसेल. परीक्षेत एकूण १८० प्रश्न विचारले जातील. भौतिकशास्त्र (Physics) आणि रसायनशास्त्र (Chemistry) या विषयांसाठी प्रत्येकी ४५ प्रश्न विचारले जातील. तर जीवशास्त्र (Biology) विषयासाठी ९० प्रश्न असतील. सर्व प्रश्न सोडविणे बंधनकारक असणार आहे.
या बदलामुळे विद्यार्थ्यांना १८० प्रश्न सोडवण्यासाठी तीन तासांचा कालावधी (Three Hours) मिळेल. परीक्षेच्या या नव्या पद्धतीमुळे विद्यार्थ्यांनी अभ्यासासोबतच वेळेच्या नियोजनावरही भर देणे आवश्यक आहे. परीक्षेदरम्यान कोणताही अतिरिक्त वेळ दिला जाणार नसल्याने, विद्यार्थ्यांनी वेळेचे योग्य व्यवस्थापन (Time Management) करणे गरजेचे आहे.
NEET UG l विद्यार्थ्यांसाठी महत्त्वाच्या सूचना :
एनटीएने (NTA) जाहीर केल्याप्रमाणे, नीट यूजी परीक्षा आता कोरोनापूर्व काळाप्रमाणेच घेतली जाईल. परीक्षेतील या बदलांमुळे विद्यार्थ्यांनी अभ्यास करताना वेळेचे योग्य नियोजन करावे. तसेच १८० प्रश्न १८० मिनिटांत सोडवण्याचा सराव करावा.
परीक्षेदरम्यान कोणताही ताण न घेता, शांत चित्ताने पेपर सोडवावा. वेळेचे योग्य व्यवस्थापन करून सर्व प्रश्न सोडवण्याचा प्रयत्न करावा. या बदलांमुळे विद्यार्थ्यांच्या वेळेच्या नियोजनाची आणि अचूकतेची कसोटी लागणार आहे.
