Mamata Kulkarani | नुकतेच किन्नर आखाड्यातील महामंडलेश्वर पदावरून हटवण्यात आलेल्या ममता कुलकर्णी (Mamta Kulkarni) पुन्हा एकदा चर्चेत आल्या आहेत. यावर्षी महाकुंभमध्ये (Mahakumbh) ममता यांना हे पद मिळाले होते, परंतु एका आठवड्यानंतर वादग्रस्त ठरल्याने त्यांच्याकडून हे पद काढून घेण्यात आले आहे.
ममता कुलकर्णी आणि धीरेंद्र शास्त्री (Dhirendra Shastri) सध्या चर्चेत आहेत. नुकत्याच एका मुलाखतीत ममता कुलकर्णी यांनी धीरेंद्र शास्त्री यांच्याकडे कोणत्या सिद्धी (Siddhi) आहेत हे सांगितले.
काय आहे प्रकरण?
एका मुलाखतीत ममता कुलकर्णी (Mamata Kulkarani) यांनी सांगितले की, बाबा बागेश्वर (Baba Bageshwar) म्हणून ओळखल्या जाणाऱ्या धीरेंद्र शास्त्री यांनी हनुमानजींना सिद्ध केले आहे. पौराणिक ग्रंथांनुसार, हनुमानजींना अष्ट सिद्धींचे दाता म्हटले जाते. असे मानले जाते की ज्यांच्यावर बजरंगबलीची कृपा असते त्यांना या सिद्धी प्राप्त होतात.
परंतु यासाठी योग्य गुरूच्या आश्रयाने या सिद्धी सिद्ध केल्या पाहिजेत. असे मानले जाते की सिद्धी सिद्ध केल्यानंतर शिस्त आणि आचरणाकडे विशेष लक्ष दिले जाते, अन्यथा अत्यंत वाईट परिणाम भोगावे लागतात. हनुमानजी कोणत्या सिद्धींचे मालक आहेत, चला जाणून घेऊया-
हनुमानजींकडे कोणत्या 8 सिद्धी आहेत?
- अणिमा सिद्धी (Anima Siddhi): अणिमा अर्थात आपल्या शरीराला अणूपेक्षाही लहान करणे. या सिद्धीच्या जोरावर हनुमानजी सूक्ष्म रूप धारण करून कुठेही फिरू शकत होते.
- महिमा सिद्धी (Mahima Siddhi): महिमा, अणिमाच्या विरुद्ध आहे. या सिद्धीच्या जोरावर विशाल रूप धारण करता येते.
- गरिमा सिद्धी (Garima Siddhi): गरिमा सिद्धीने शरीराला अमर्यादपणे जड बनवता येते. भीमाचा (Bhim) गर्व मोडून काढण्यासाठी हनुमानजींनी या सिद्धीचा उपयोग केला होता.
- लघिमा सिद्धी (Laghima Siddhi): या सिद्धीमुळे हनुमानजी स्वतःचे वजन कापसासारखे हलके करत असत.
- प्राप्ती सिद्धी (Prapti Siddhi): मुक्या पक्ष्यांची भाषा समजणे, येणारा काळ पाहणे यासाठी ही सिद्धी उपयुक्त आहे. या सिद्धीच्या जोरावर तुम्हाला हवी असलेली प्रत्येक गोष्ट प्राप्त करता येते. असे म्हणतात की धीरेंद्र शास्त्री देखील त्यांच्या दरबारात आलेल्या चिठ्ठ्या न वाचताच त्यांचे निराकरण सांगतात.
- प्राकाम्य सिद्धी (Prakamya Siddhi): या सिद्धीच्या जोरावर पृथ्वीपासून पाताळापर्यंतच्या खोलीचा अंदाज घेता येतो. आकाशाच्या उंचीवर उडू शकतात. इच्छित काळापर्यंत पाण्यात जिवंत राहू शकतात.
- ईशित्व सिद्धी (Ishitva Siddhi): या सिद्धीच्या मदतीने हनुमानजींना दैवी शक्ती (Divine Powers) प्राप्त झाल्या होत्या. ही सिद्धी प्राप्त करणारा ईश्वरासमान पूजनीय मानला जातो.
- वशित्व सिद्धी (Vashitva Siddhi): नावाप्रमाणेच या सिद्धीमुळे कोणालाही वश (Control) करता येते.
