Jammu Kashmir | राज्य प्रशासनाने जम्मू आणि काश्मीरमधील ४८ पर्यटन स्थळांवर निर्बंध लादण्याचा निर्णय घेतला आहे. हा निर्णय सुरक्षा कारणास्तव घेण्यात आला असून, अद्याप कोणतेही लेखी आदेश दिले गेलेले नाहीत, मात्र स्थानिक पातळीवर अंमलबजावणी सुरू झाली आहे.
संवेदनशील ठिकाणी पर्यटनावरील बंदीचा निर्णय-
पर्यटन स्थळांसह अनेक प्रसिद्ध हॉटेल्स, रिसॉर्ट्स, आणि गेस्ट हाऊसेस असलेल्या ४८ परिसरांमध्ये पर्यटकांना थांबण्यास आणि राहण्यास मनाई करण्यात आली आहे. अनंतनाग (Anantnag), बारामुल्ला, कुपवाडा, आणि गांदरबल या जिल्ह्यांतील काही पर्यटनस्थळांमध्ये या आदेशाचा सर्वाधिक परिणाम जाणवत आहे.
संबंधित परिसरांमध्ये सुरक्षेच्या दृष्टीने संवेदनशीलता वाढल्यामुळे, प्रशासनाने कोणताही धोका न (Jammu Kashmir) पत्करता आधीपासून पर्यटन व्यवसाय चालवणाऱ्या केंद्रांनाही थांबवले आहे. विशिष्ट नावांमध्ये फारलान, वांगत, नारानाग, बोता पथरी, युसमर्ग, डोडा, किश्तवार, रामबन, आणि राजौरी अशा काही ठिकाणांचा समावेश आहे. प्रशासनाने अजून पर्यटकांना याविषयी स्वतंत्र नोटीस जाहीर केलेली नसली, तरी स्थानिक पोलिसांनी सूचना देणे सुरू केले आहे.
कोणत्या प्रमुख स्थळांचा समावेश आहे?
समोर आलेल्या माहितीनुसार, सुरक्षेच्या कारणास्तव ही बंदी घालण्यात आली आहे. बंदी घालण्यात आलेल्या ४८ ठिकाणांमध्ये खालील प्रमुख स्थळांचा आणि आस्थापनांचा समावेश आहे.
युसमार्ग (Yusmarg)
तौसा मैदान (Tosa Maidan)
डूडपात्री (Doodhpathri)
अहरबल (Aharbal)
कौसरनाग (Kausarnag)
बांगस व्हॅली (Bangus Valley)
वुलर वाटलाब (Wular Watalab)
वेरीनाग गार्डन (Verinag Garden)
सिंथन टॉप (Sinthan Top)
दाचिगम – ट्राऊट फार्म (Dachigam – Trout Farm)
अस्तानमार्ग व्ह्यू पॉइंट (Astanmarg View Point) आणि पॅराग्लायडिंग (Paragliding)
महादेव हिल्स (Mahadev Hills)
बाबा रेशी दर्गा (Baba Reshi Dargah)
इको पार्क खझियार (Eco Park Khajjiar)
काही हॉटेल्स आणि रेस्टॉरंट्स (उदा. हॉटेल कनाझ, जेजे फूड रेस्टॉरंट, आयव्हरी हॉटेल, पदशापल रिसॉर्ट्स, चेरी ट्री रिसॉर्ट, नॉर्थ क्लिफ कॅफे, फॉरेस्ट हिल कॉटेज, इको व्हिलेज रिसॉर्ट इ.)
एका अधिकाऱ्याने नाव न छापण्याच्या अटीवर सांगितले की, यातील काही ठिकाणे तात्पुरती बंद करण्यात आली आहेत.
नियमांशिवाय बंदी आणि स्थानिक पर्यटनावर परिणाम-
या निर्णयामुळे बऱ्याच हॉटेल (Jammu Kashmir) व्यवसायिकांना मोठा आर्थिक फटका बसला आहे. रिसॉर्ट्स आणि गेस्टहाऊसचे बुकिंग रद्द करण्यात आले असून, पर्यटकांची संख्या कमी झाल्याने स्थानिक अर्थव्यवस्थेवरही परिणाम होत आहे. स्थानिक लोकांचा आरोप आहे की, प्रशासनाने कुठल्याही लिखित आदेशाशिवाय अचानक अंमलबजावणी सुरू केल्याने त्यांना नुकसान सहन करावे लागत आहे.
संरक्षण यंत्रणांनी दिलेल्या माहितीनुसार, यामागचे कारण म्हणजे काही ठिकाणी पाकिस्तानच्या बाजूने घुसखोरीची शक्यता असल्याचे गुप्तचर विभागाने सूचित केले आहे. त्यामुळेच तीव्र सुरक्षाव्यवस्था लावण्यात आली असून, ही बंदी तात्पुरती असून परिस्थितीनुसार त्यात बदल केला जाऊ शकतो, असेही प्रशासनाचे म्हणणे आहे.
