Hamas | हमासच्या (Hamas) ताब्यात असलेल्या इजरायली महिलेनं दिलेल्या मुलाखतीत स्वतःवर घडलेल्या अत्यंत वेदनादायक आणि मन हेलावून टाकणाऱ्या प्रसंगांची माहिती दिली आहे. 7 ऑक्टोबर 2023 रोजी तिचं अपहरण झालं होतं आणि त्यानंतर तिला अमानुष वागणुकीला सामोरं जावं लागलं.
गुलामगिरीतील पहिले भयावह दिवस
इलाना ग्रिचोव्स्क (Ilana Gritzovsky) या 31 वर्षीय इजरायली महिलेला 7 ऑक्टोबर रोजी हमासच्या लढवय्यांनी ताब्यात घेतलं. तिच्या सांगण्यानुसार, तिला बाइकवर बसवून एका अज्ञात ठिकाणी नेण्यात आलं. शुद्धीवर आल्यानंतर तिला जमिनीवर अर्धनग्न स्थितीत सावरावं लागलं, समोर सात बंदुकधारी उभे होते.
तिने सांगितलं की, “मी वेदनेने विव्हळत होते. मला अजिबात समजत नव्हतं की इथे का आणलं आहे.” तिने त्या लढवय्यांना सांगितलं की तिला पीरियड्स सुरू आहेत. त्यावर सगळे लढवय्ये हसू लागले. तिच्या म्हणण्यानुसार, तिच्या मासिक पाळीमुळेच त्या दिवशी तिच्यावर बलात्कार होणं टळलं, अन्यथा तिला त्या अत्याचाराला सामोरं जावं लागलं असतं.
लग्न, अपहरण आणि नवऱ्याची चिंता
कैदेमधील काही दिवसांनंतर तिची जागा बदलण्यात आली. त्या ठिकाणी लढवय्यांनी तिला धमकावत सांगितलं की आता तिचं लग्न हमासच्या लढवय्यांपैकीच एखाद्याशी होणार असून तिला फक्त मूल जन्माला घालण्याचं काम करावं लागेल.
इलानाच्या सांगण्यानुसार, एकदा बंदकांच्या देवाणघेवाणीचा करार झाल्यावर एक लढवय्या तिला म्हणाला की, “जरी तुझी मुक्तता ठरली असली तरी आम्ही तुला सोडणार नाही. मी तुझ्याशी लग्न करू इच्छितो.” त्यानंतर त्याने इलानाच्या हातातील कंगण काढून घेतला.
इलाना आणि तिचा पती किबुत्झ (Kibbutz) शहरात राहत होते. मेक्सिकोमधून स्थलांतर करून त्यांनी तिथं नवजीवन सुरू केलं होतं. हमासच्या हल्ल्यात अडकलेल्या इलानाला दोन लढवय्यांनी गाजामध्ये (Gaza) नेलं, एकजनं बाइक चालवत होता आणि दुसरा मागे बसून तिला पकडून होता. सध्या तिचा पती अजूनही हमासच्या ताब्यात असल्याचं ती सांगते. तिला अनेकदा आत्महत्या करावीशी वाटली, पण अखेर तिनं लढण्याचा आणि इतरांच्या न्यायासाठी आवाज उठवण्याचा निर्णय घेतला.
Title: Israeli Woman Shares Chilling Hamas Captivity Tale
