Iran Israel Conflict | मध्यपूर्वेत सुरू असलेल्या तणावपूर्ण परिस्थितीत मोठी घटना घडली आहे. इराणने इस्रायलमधील महत्त्वाच्या ऊर्जा केंद्रावर क्षेपणास्त्र हल्ला केल्याचा दावा केला आहे. हा हल्ला हैफा खाडी परिसरातील बाजान ग्रुपच्या तेल शुद्धीकरण प्रकल्पावर झाल्याचे सांगितले जात असून या घटनेमुळे संपूर्ण प्रदेशात खळबळ उडाली आहे. या प्रकल्पाचा भारताशीही आर्थिक व धोरणात्मक संबंध असल्याने या हल्ल्याने अनेक प्रश्न निर्माण झाले आहेत.
बॅलिस्टिक क्षेपणास्त्रांनी ऊर्जा प्रकल्पावर हल्ला
इराणने इस्रायलमधील Bazan Group च्या तेल शुद्धीकरण प्रकल्पावर हल्ला केल्याचा दावा केला आहे. हा प्रकल्प Haifa Bay येथे असून तो इस्रायलच्या ऊर्जा व्यवस्थेतील सर्वात महत्त्वाचा भाग मानला जातो. या ठिकाणी झालेल्या स्फोटांनंतर परिसरात आग लागल्याचे काही व्हिडिओ सोशल मीडियावर समोर आले आहेत, मात्र त्यांची स्वतंत्र पुष्टी अद्याप झालेली नाही. (Bazan Group refinery)
हा हल्ला Islamic Revolutionary Guard Corps (IRGC) च्या म्हणण्यानुसार ‘खैबर शेकन’ प्रकारच्या सॉलिड फ्यूल बॅलिस्टिक मिसाइल्सने करण्यात आला. इराणने स्पष्ट केले की अमेरिकेने आणि इस्रायलने अलीकडे त्यांच्या तेल साठ्यांवर व ऊर्जा पायाभूत सुविधांवर केलेल्या कारवाईला उत्तर म्हणून ही मोहीम राबवण्यात आली. या घटनामुळे Israel च्या ऊर्जा सुरक्षेबाबत मोठी चिंता व्यक्त केली जात आहे.
Iran Israel Conflict | इस्रायलच्या इंधन पुरवठ्यासाठी महत्त्वाचा प्रकल्प :
हैफा खाडीतील हा प्रकल्प इस्रायलमधील सर्वात मोठ्या तेल प्रक्रिया केंद्रांपैकी एक मानला जातो. उपलब्ध माहितीनुसार या रिफायनरीतून देशाच्या एकूण घरगुती इंधन पुरवठ्याच्या सुमारे ५० ते ६० टक्के गरजा पूर्ण केल्या जातात. त्यामुळे या प्रकल्पावर झालेला हल्ला इस्रायलच्या ऊर्जा क्षेत्रासाठी मोठा धक्का मानला जात आहे. (Haifa oil refinery attack)
तसेच हैफा बंदर आणि त्याच्या आसपासचा औद्योगिक परिसर भारतासाठीही महत्त्वाचा मानला जातो. भारतातील अनेक कंपन्या इस्रायलसोबत ऊर्जा, बंदर आणि पायाभूत सुविधा प्रकल्पांमध्ये सहकार्य करत आहेत. त्यामुळे या क्षेत्रात तणाव वाढल्यास भारत-इस्रायल व्यापार आणि समुद्री वाहतूक मार्गांवर त्याचा परिणाम होण्याची शक्यता व्यक्त केली जात आहे. (Iran Israel Conflict)
मध्यपूर्वेतील या वाढत्या संघर्षामुळे जागतिक ऊर्जा बाजारावर तसेच आंतरराष्ट्रीय व्यापारावर मोठे परिणाम होऊ शकतात. त्यामुळे या घडामोडींवर जगभरातील देश बारकाईने लक्ष ठेवून आहेत.
