Ahmedabad Plane Crash | गुजरातच्या अहमदाबादमध्ये आज एअर इंडियाचं विमान कोसळल्याने मोठी खळबळ उडाली आहे. उड्डाण घेतल्यानंतर अवघ्या दहा मिनिटांतच हे विमान थेट एका इमारतीवर आदळले. या दुर्घटनेचा एक धक्कादायक व्हिडिओही समोर आला आहे. मिळालेल्या माहितीनुसार, या विमानात गुजरातचे माजी मुख्यमंत्री विजय रुपाणी (Vijay Rupani) हेदेखील प्रवास करत होते, ज्यामुळे घटनेचे गांभीर्य आणखी वाढले आहे. दरम्यान, या विमानाच्या पायलटला अपघात होण्याची चाहूल लागली होती, असे समोर आले आहे. त्याने एक आपत्कालीन संदेशही पाठवला होता, अशी माहिती डीजीसीएने (DGCA) दिली आहे. (Ahmedabad Plane Crash)
अपघात कसा झाला? :
मिळालेल्या माहितीनुसार, एअर इंडिया या विमान वाहतूक कंपनीचे AI 171 बोईंग 787 हे विमान अहमदाबादहून लंडनला जात होते. या विमानाने नियोजित वेळेनुसार हवेत उड्डाण घेतले होते. मात्र, त्याआधीच या विमानात तांत्रिक बिघाड झाल्याची शक्यता आहे.
विमानाने उड्डाण घेतल्यानंतर काही मिनिटांतच ते थेट जमिनीवर आले आणि कोसळले. या दुर्घटनेचे काही व्हिडिओदेखील समोर आले आहेत, ज्यात विमान कोसळताना दिसत आहे. मिळालेल्या माहितीनुसार, या विमानात एकूण २४२ प्रवासी प्रवास करत होते. (Ahmedabad Plane Crash)
Ahmedabad Plane Crash | पायलटने पाठवला होता आपत्कालीन संदेश:
अहमदाबादच्या विमानतळाजवळच हे विमान कोसळले आहे. या अपघातानंतर डीजीसीएने महत्त्वाची माहिती दिली आहे. हे विमान चालवणारे पायलट सुमित सभरवाल हे चांगले अनुभवी पायलट आहेत. त्यांना ८ हजार २०० तासांपेक्षा अधिक तास विमान चालवण्याचा अनुभव आहे, असे डीजीसीएने म्हटले आहे.
तसेच, अहमदाबाद विमानतळाच्या रनवे नंबर २३ वरून या विमानाने दुपारी १.२३ वाजता उड्डाण घेतले होते. त्यानंतर अवघ्या काही मिनिटांनी, म्हणजेच १.३९ वाजता, विमानाने एक आपत्कालीन संदेश पाठवला होता. पण त्यानंतर मात्र या विमानाशी संपर्क होऊ शकला नाही, असे डीजीसीएने सांगितले आहे.
संपर्क झाला असता तर… :
डीजीसीएच्या या माहितीनंतर विमान चालवणाऱ्या पायलटला विमानात काहीतरी बिघाड आहे, असे समजले होते. त्यामुळेच मदतीसाठी हा आपत्कालीन संदेश पाठवण्यात आला होता, असे म्हटले जात आहे. या विमानाशी नंतर काही संपर्क झाला असता, तर चित्र काही वेगळे असते, अशीही भावना व्यक्त केली जात आहे. जर वेळेत मदत मिळाली असती, तर कदाचित हा अपघात टाळता आला असता किंवा त्याची तीव्रता कमी करता आली असती. (Ahmedabad Plane Crash)
दरम्यान, आता या अपघातात काही जीवितहानी झाली असल्याची शक्यता व्यक्त केली जात आहे. जखमींना तातडीने रुग्णालयात दाखल करण्यात येत आहे. तसेच, विमानाला लागलेली आग विझवण्यासाठी पूर्ण क्षमतेने प्रयत्न केले जात आहेत. या घटनेची सखोल चौकशी करण्याचे आदेश देण्यात आले आहेत, जेणेकरून अपघाताचे नेमके कारण आणि त्यामागील जबाबदारी निश्चित करता येईल.
