Weather Update | मुंबई, कोकण किनारपट्टीसह राज्याच्या अनेक भागांमध्ये पावसाने दमदार हजेरी लावली आहे. गेले काही दिवस मुसळधार सरी कोसळत असताना, हवामान विभागाने पुढील २४ तासांसाठी ‘यलो अलर्ट’ जारी केला आहे. विशेषत: कोकण, मुंबई, ठाणे, नवी मुंबई व रायगड जिल्ह्यांमध्ये पावसाचा जोर अधिक जाणवणार आहे. (Maharashtra Weather Update)
मुंबईत मुसळधार पावसाने जनजीवन विस्कळीत :
मुंबईत रविवारी दुपारी आणि आज सकाळपासूनही मुसळधार पावसाने हजेरी लावली आहे. सकाळीपासून अंधेरी सबवे मध्ये २ ते ३ फूट पाणी साचले असून, वाहतूक बंद करण्यात आली आहे. प्रशासनाने बॅरिकेट्स लावून पोलिस बंदोबस्त तैनात केला आहे. तसेच पाणी उपसण्यासाठी पंप आणि जीवरक्षक कर्मचारी तैनात करण्यात आले आहेत.
कमाल तापमान: 31°C
किमान तापमान: 26°C
अलर्ट: यलो अलर्ट (High Risk of Local Flooding)
Weather Update | ठाणे आणि नवी मुंबईतही जोरदार पावसाची शक्यता कायम :
ठाणे व नवी मुंबईमध्ये रविवारी जोरदार पावसाने हजेरी लावली होती. आज सकाळपासून वातावरण ढगाळ आणि दमट असून, हलक्या सरींचा पुनरावृत्तीचा अंदाज आहे.
ठाणे/नवी मुंबई तापमान:
कमाल: 30°C
किमान: 25°C
यलो अलर्टमुळे नागरिकांनी अनावश्यक प्रवास टाळावा, असे आवाहन हवामान विभागाने केले आहे. (Maharashtra Weather Update)
पालघर जिल्ह्यात थोडी विश्रांती, पण उकाडा वाढणार :
पालघरमध्ये पावसाचा जोर थोडासा ओसरला असला तरी ढगाळ वातावरण आणि दमट हवामानामुळे उकाड्याची तीव्रता अधिक जाणवते. कृषी कार्यांवर याचा परिणाम होऊ शकतो.
कमाल तापमान: 29°C
किमान तापमान: 24°C
शेतकऱ्यांनी शेतीच्या कामात योग्य अंतर ठेऊन काम करावे, असा सल्ला हवामान खात्याने दिला आहे.
कोकणात मच्छिमारांना अलर्ट! समुद्र खवळलेला :
कोकणातील रायगड, रत्नागिरी, सिंधुदुर्ग जिल्ह्यांमध्ये मागील दोन दिवसांपासून अतिवृष्टी होत आहे. आजही यलो अलर्ट कायम असून, जोरदार सरींची शक्यता हवामान खात्याने वर्तवली आहे.
तापमान: कमाल – 30°C, किमान – 25°C
सागरी इशारा: समुद्र खवळलेला, मच्छिमारांनी हवामान खात्याच्या सूचनांचे पालन करावे.
