Gold-Silver Rate | मंगळवारी २४ फेब्रुवारी २०२६ रोजी सोनं-चांदीच्या बाजारात हलकी घसरण पाहायला मिळाली. मजबूत अमेरिकन डॉलर आणि जागतिक तणावामुळे सोने-चांदीच्या भावात घट झाली आहे. सामान्य नागरिकांसाठी ही परिस्थिती थोडी दिलासादायक ठरत असली तरी, बाजारातील परिस्थिती लक्षपूर्वक पाहणे गरजेचे आहे.
MCX वरची परिस्थिती :
MCX अर्थात मल्टी कमॉडिटी एक्सचेंज ऑफ इंडिया वर सोनं-चांदीच्या भावात मंदी दिसून आली. MCX गोल्ड एप्रिल फ्यूचर्स 0.50% घसरून प्रति 10 ग्रॅमसाठी 1,60,750 रुपये झाले. MCX सिल्व्हर एप्रिल फ्यूचर्स 0.20% घसरून प्रति किलो 2,64,972 रुपये झाले. मागील व्यवहार सत्रात सोन्याचा भाव 3% वाढून 1,61,500 रुपये प्रति 10 ग्रॅम होता, तर चांदीचा भाव 5% वाढून 2,65,279 रुपये प्रति किलो होता. (Today Gold Rate)
दरम्यान, आज २४ फेब्रुवारी रोजी २४ कॅरेट सोन्याचा भाव 1,190 रुपयांनी घसरून 1,60,920 रुपये प्रति 10 ग्रॅम झाला, तर चांदीचा भाव प्रति किलो 1,930 रुपयांनी कमी होऊन 2,64,740 रुपये झाला. या घसरणीमुळे सामान्य खरेदीदारांसाठी किंचित आरामदायक वातावरण तयार झाले.
Gold-Silver Rate | आंतरराष्ट्रीय बाजारात काय घडले? :
जागतिक स्तरावर, स्पॉट गोल्ड 1.49% वाढून 5,183 डॉलर प्रति औंसवर व्यापार करत होता, तर स्पॉट सिल्व्हर 3.21% वाढून 87.3 डॉलर प्रति औंस होता. डॉलर निर्देशांक 0.20% वाढून 97.88 वर पोहोचला, ज्यामुळे परदेशी खरेदीदारांसाठी सोनं महाग झाले. (Today Gold Rate)
या बदलामुळे आंतरराष्ट्रीय मागणीवर परिणाम झाला आणि स्थानिक बाजारात भाव घसरले. भविष्यात सोनं-चांदीचे दर डॉलरच्या हालचाली आणि जागतिक भू-राजकीय परिस्थितीवर अवलंबून राहतील.
