Gautmi Patil | नवले पूलावर 30 सप्टेंबरला पहाटे झालेल्या अपघातप्रकरणी नृत्यांगना गौतमी पाटील (Gautami Patil) अडचणीत आली आहे. तिच्या नावावरची कार रिक्षाला धडकून रिक्षाचालक सामाजी विठ्ठल मरगळे गंभीर जखमी झाले. घटनेनंतर गौतमीवर सोशल मीडियावर जोरदार ट्रोलिंग सुरू झाले. आज पत्रकार परिषदेत ती भावुक होत म्हणाली, “मी त्या वेळी गाडीत नव्हतेच; विनाकारण माझी बदनामी केली जातेय.”
या प्रकरणात पोलिसांनी गौतमी पाटीलला (Gautami Patil) नोटीस बजावली असून, तपासाला वेग आला आहे. दरम्यान, उच्च व तंत्र शिक्षणमंत्री चंद्रकांत पाटील (Chandrkant Patil) यांनी DCP ला फोनवर “गौतमीला उचलायचं की नाही?” अशी विचारणा केल्याचा व्हिडिओ चर्चेत आला आहे. या वक्तव्यावर गौतमीने नाराजी व्यक्त केली, “ही भाषा खटकली; माझा अपघाताशी हेतुपूर्वक संबंध नाही, फक्त गाडी माझ्या नावावर आहे.”
“ट्रोलिंग थांबवावं; पुढे सर्व काही कायद्यानुसार” :
गौतमी म्हणाली, “गेल्या पाच दिवसांत मानसिक छळ सहन करावा लागला. ट्रोलिंग नवीन नाही, पण अशा पद्धतीने प्रतिमा मलीन करणं थांबायला हवं.” अपघातानंतर “माझा मानलेला भाऊ” जखमींच्या कुटुंबीयांना भेटला व मदत देऊ केली, पण त्यांनी कायद्यानेच जाऊ असं सांगितलं. “आता मलाही कायद्यानुसारच उत्तर द्यावं लागेल,” असं ती म्हणाली.
तिने स्पष्ट केलं की अपघाताच्या वेळी ती इतर खासगी कामानिमित्त दुसरीकडे होती. “मी काही केलं नसताना मला भीती का वाटावी?” असा सवालही तिने उपस्थित केला. कुटुंबीयांना भेटण्याची इच्छा व्यक्त करत, “जे काही होईल ते कायद्याच्या चौकटीतच,” असा तिचा पुनरुच्चार होता.
Gautmi Patil | चंद्रकांत पाटीलांच्या वक्तव्यावर प्रतिक्रिया; वकिलांची कायदेशीर इशारा :
“दादांनी अशी भाषा वापरली, वाईट वाटलं. या गोष्टीशी माझा थेट संबंध नाही,” असं गौतमी म्हणाली. कोथरुडचे आमदार म्हणून चंद्रकांत पाटील (Chandrkant Patil) यांनी तातडीची कारवाई करण्याच्या सूचना दिल्यानंतर पोलिस हलले, अशी राजकीय चर्चा रंगली आहे. व्हिडिओ व्हायरल झाल्यानंतर या प्रकरणाला राजकीय वळण मिळालं.
गौतमीचे वकील ॲड. हेमंत भांड पाटील म्हणाले, “बदनाम करण्याचा प्रयत्न करणाऱ्यांना आम्ही कायद्यानुसार उत्तर देऊ. कुटुंब असो वा राजकारणी सगळ्यांना कायदेशीर उत्तर मिळेल.” दरम्यान, पोलिसांकडून वडगाव बुद्रुक परिसरातील अपघाताची तपासणी सुरू असून, संबंधित पासून पुढील प्रक्रिया राबवली जात आहे.
