अरे व्हा! आता फुकटात आधारकार्ड अपडेट करता येणार; जाणून घ्या प्रोसेस

On: April 22, 2024 12:00 PM

---Advertisement---

Aadhar Card l आधार कार्ड हे आजच्या काळात सर्वात महत्त्वाचे कागदपत्र आहे. आधार कार्ड तुमच्या नागरिकत्वाचा पुरावा देखील आहे. यासोबतच खाते उघडण्यापासून ते जमीन आणि घर खरेदीपर्यंत सर्व गोष्टींसाठी त्याचा वापर आवश्यक आहे. मात्र तुमच्या आधार कार्डचे तपशील अपडेट ठेवणे खूप महत्वाचे आहे. अशातच आता UIDAI मोफत माहिती अपडेट करण्याची सुविधा देत आहे.

‘या’ तारखेपर्यंत करा मोफत आधारकार्ड अपडेट :

UIDAI ने 10 वर्षांपूर्वी केलेले आधार कार्ड मोफत अपडेट करण्याची सुविधा उपलब्ध करून दिली आहे आणि त्याची अंतिम मुदत देखील पुन्हा वाढवण्यात आली आहे. गेल्या मार्चमध्ये ही सेवा मोफत वापरण्याची अंतिम तारीख 14 मार्च ते 14 जूनपर्यंत वाढवण्यात आली होती. अशा परिस्थितीत तुमच्या आधार कार्डमध्ये कोणतीही माहिती अपडेट करायची असल्यास तुम्ही कोणतेही शुल्क न भरता ते करू शकता.

आधार कार्ड मोफत अपडेट करण्याच्या या मुदतीनंतर हे महत्त्वाचे काम करण्यासाठी तुम्हाला पैसे द्यावे लागणार आहेत. UIDAI द्वारे प्रदान केलेली आधार कार्ड अपडेट करण्याची ही मोफत सेवा फक्त My Aadhaar पोर्टलवर उपलब्ध आहे. या सेवेची मुदत वाढवताना यूआयडीएआयने सोशल मीडियाच्या माध्यमातून लोकांना त्यांच्या आधारमध्ये कागदपत्रे अपडेट करण्यासाठी प्रोत्साहित केले आहे.