FASTag Annual Pass | महामार्गावरून नियमित प्रवास करणाऱ्या वाहनधारकांसाठी एक महत्त्वाची बातमी समोर आली आहे. नवीन आर्थिक वर्ष 2026-27 सुरू होताच टोल संदर्भात मोठा बदल लागू होणार आहे. 1 एप्रिल 2026 पासून FASTag वार्षिक पासच्या शुल्कात वाढ करण्याचा निर्णय घेण्यात आला आहे. त्यामुळे महामार्गावर वारंवार प्रवास करणाऱ्या वाहनधारकांना आता अधिक पैसे मोजावे लागणार आहेत.
भारतीय राष्ट्रीय महामार्ग प्राधिकरणाने म्हणजेच National Highways Authority of India (NHAI) या निर्णयाची अंमलबजावणी करण्याचा निर्णय घेतला आहे. त्यामुळे नियमित प्रवाशांच्या खर्चात थोडी वाढ होणार असून अनेक वाहनचालकांसाठी हा अतिरिक्त आर्थिक बोजा ठरू शकतो. (Toll Fee Increase India)
नेमकी किती झाली वाढ? :
नव्या आर्थिक वर्षानुसार FASTag वार्षिक पासच्या दरात वाढ करण्यात आली आहे. 31 मार्चपर्यंत या पासची किंमत 3000 रुपये होती. मात्र 1 एप्रिलपासून हाच पास घेण्यासाठी वाहनधारकांना 3075 रुपये मोजावे लागणार आहेत.
ही वाढ केवळ 75 रुपयांची असली तरी मोठ्या प्रमाणात महामार्गाचा वापर करणाऱ्या वाहनधारकांसाठी हा खर्च वाढणार आहे. त्यामुळे आजपर्यंत जुने दर लागू असल्याने अनेक वाहनधारकांनी पास रिन्यू करण्याची घाई केली आहे.
FASTag Annual Pass | वार्षिक पासचे नियम आणि मर्यादा :
FASTag वार्षिक पास घेणाऱ्या वाहनधारकांसाठी काही महत्त्वाचे नियम देखील लागू असतात. हा पास एक वर्ष किंवा 200 टोल क्रॉसिंगपर्यंत वैध असतो. 200 ट्रिप्स पूर्ण झाल्यानंतर हा पास आपोआप “Pay-per-use” मोडमध्ये बदलतो.
त्यानंतर पुन्हा पासची सुविधा वापरायची असल्यास तो रिन्यू करावा लागतो. हा पास केवळ राष्ट्रीय महामार्ग आणि एक्सप्रेसवेवरील सुमारे 1150 टोल प्लाझांवरच वापरता येतो. राज्य महामार्ग किंवा खासगी टोल रस्त्यांवर ही सुविधा लागू होत नाही.
आजच रिन्यू केल्यास मिळेल फायदा :
ज्या वाहनधारकांना नवीन पास घ्यायचा आहे किंवा जुना पास रिन्यू करायचा आहे त्यांच्यासाठी आजचा दिवस अत्यंत महत्त्वाचा आहे. 31 मार्चपर्यंत जुने दर लागू राहणार असल्याने आजच पास रिन्यू केल्यास वाढीव दर टाळता येऊ शकतात. (FASTag Annual Pass)
तज्ञांच्या मते, वारंवार महामार्गावरून प्रवास करणाऱ्या वाहनधारकांसाठी FASTag वार्षिक पास हा अजूनही सोयीस्कर पर्याय मानला जातो. यामुळे टोल नाक्यावर रांगेत उभे राहण्याची गरज नसते आणि प्रवास अधिक वेगवान होतो.
