Ahmedabad Plane Crash | गुजरातच्या अहमदाबादमध्ये आज घडलेल्या एअर इंडियाच्या भीषण विमान अपघातामुळे संपूर्ण देशात खळबळ उडाली आहे. अहमदाबादहून लंडनकडे २४२ प्रवाशांना घेऊन निघालेले हे विमान उड्डाणानंतर अवघ्या १५ मिनिटांत क्रॅश झाले. या अपघाताची दोन संभाव्य कारणे समोर येत आहेत.
विमान मेघानीनगर परिसराजवळ एका इमारतीवर आदळले :
पहिले कारण म्हणजे विमानाच्या इंजिनमध्ये तांत्रिक बिघाड झाला, ज्यामुळे हा अपघात घडला असावा. तर दुसरे कारण अधिक धक्कादायक आहे; प्रत्यक्षदर्शींच्या मते, विमान उड्डाणानंतर एका इमारतीवर जाऊन आदळले आणि त्यानंतर ते जळून खाक झाले. या घटनेनंतर अहमदाबादमध्ये मोठ्या प्रमाणात धुराचे लोट पाहायला मिळत आहेत. (Ahmedabad Plane Crash)
या भीषण अपघातानंतर संपूर्ण परिसरात गोंधळ उडाला आहे. अहमदाबादमध्ये विमान कोसळल्याने सर्वत्र धूर आणि विमानाचा मलबा पसरला आहे. विमान पूर्णपणे उद्ध्वस्त झाले असून, आकाशात धुराचे लोट दिसत आहेत. प्रत्यक्षदर्शींच्या म्हणण्यानुसार, विमान मेघानीनगर परिसराजवळ एका इमारतीवर आदळले, ज्यामुळे हा अपघात घडला. या घटनेमुळे गुजरातमधील अहमदाबाद येथे मोठ्या प्रमाणात नुकसान झाल्याची भीती व्यक्त केली जात आहे.
अपघातामुळे विमान प्रवासाच्या सुरक्षिततेवर प्रश्नचिन्ह निर्माण :
एअर इंडियाचे हे विमान अहमदाबादहून लंडनला जात होते, ज्यात २४२ प्रवासी होते. टेकऑफनंतर अवघ्या १५ मिनिटांतच विमान दुर्घटनाग्रस्त झाले. दुर्घटनेनंतर विमान धावपट्टीवरून घसरून जवळच्या मैदानात कोसळले. या अपघातात नेमके किती प्रवाशांचा मृत्यू झाला, याची अधिकृत माहिती अद्याप समोर आलेली नाही. बचावकार्य वेगाने सुरू असून, जखमींना तात्काळ रुग्णालयात दाखल करण्यात येत आहे. (Ahmedabad Plane Crash)
या अपघातामुळे विमान प्रवासाच्या सुरक्षिततेवर प्रश्नचिन्ह निर्माण झाले आहे. अपघातग्रस्त विमानाच्या ‘ब्लॅक बॉक्स’च्या मदतीने अपघाताचे नेमके कारण शोधण्यासाठी सखोल चौकशी केली जाईल. या घटनेमुळे अहमदाबाद विमानतळावरील इतर उड्डाणांवरही परिणाम झाला असून, अनेक उड्डाणे रद्द किंवा विलंबाने सुरू आहेत.
