DA Hike | केंद्र सरकार लवकरच केंद्रीय कर्मचाऱ्यांसाठी एक मोठी घोषणा करणार असल्याची शक्यता वर्तवली जात आहे. 15 ऑगस्ट 2025 पूर्वी महागाई भत्ता (DA) वाढवण्यात येणार असल्याचे संकेत आहेत. ही वाढ 1 जुलै 2025 पासून लागू होणार असल्याने कर्मचाऱ्यांना मागील महिन्यांचे थकबाकीचे पैसेही मिळू शकतात.
सध्या देशभरात सुमारे 50 लाख केंद्रीय कर्मचारी आणि 62 लाख पेन्शनधारक सरकारच्या या निर्णयाची वाट पाहत आहेत. यामुळे त्यांचं मासिक उत्पन्न वाढेल आणि महागाईच्या काळात दिलासा मिळेल.
DA मध्ये 3 टक्क्यांची वाढ शक्य :
दर सहा महिन्यांनी ग्राहक किंमत निर्देशांक (CPI) नुसार DA मध्ये सुधारणा केली जाते. यावेळी 3 ते 4 टक्क्यांपर्यंत वाढ होण्याची शक्यता वर्तवली जात आहे. सध्या DA 50% वर आहे, तो वाढून 53% किंवा 54% पर्यंत जाऊ शकतो. त्यामुळे मासिक वेतनात सरासरी 1,800 ते 2,500 रुपयांपर्यंत वाढ होऊ शकते.
यासोबतच HRA (घरभाडे भत्ता) आणि TA (प्रवास भत्ता) देखील DA च्या प्रमाणात सुधारित होतात, याचा थेट परिणाम कर्मचाऱ्यांच्या एकूण आर्थिक स्थितीवर होतो.
DA Hike | 8वा वेतन आयोग आणि फिटमेंट फॅक्टरचा मुद्दा :
सध्या 7वा वेतन आयोग लागू असून, त्याचा कार्यकाळ 31 डिसेंबर 2025 रोजी संपत आहे. सरकारने आधीच 8वा वेतन आयोग स्थापन करण्याची घोषणा केली आहे, परंतु अद्याप अध्यक्षांची नेमणूक झालेली नाही. DA वाढीच्या पार्श्वभूमीवर वेतन आयोगाच्या प्रक्रियेलाही वेग येईल, अशी आशा व्यक्त होते.
फिटमेंट फॅक्टर हा वेतनवाढीतील महत्त्वाचा घटक आहे. 7व्या आयोगात तो 2.57 होता. आता तो 1.83 ते 2.46 दरम्यान असण्याची शक्यता आहे. यामुळे मूळ वेतनात मोठी झेप दिसून येईल. उदा. 18,000 रुपये मूळ वेतन असलेल्या कर्मचाऱ्याचे वेतन 44,280 रुपयांपर्यंत जाऊ शकते.
