Boney Kapoor | दिवंगत अभिनेत्री श्रीदेवी (Late Actress Sridevi) यांच्या २०१८ मधील दुबईतील (Dubai) मृत्यूच्या घटनेवर त्यांचे पती, निर्माते बोनी कपूर (Producer Boney Kapoor) यांनी एका मुलाखतीत काही धक्कादायक खुलासे केले आहेत. श्रीदेवी अनेकदा क्रॅश डाएटवर (Crash Diet) असायची आणि तिला सतत चक्कर यायची, असे बोनी कपूर यांनी म्हटले आहे.

‘स्क्रीनवर चांगले दिसण्यासाठी डाएटिंग’

एका मुलाखतीत बोनी कपूर यांनी सांगितले की, श्रीदेवी स्क्रीनवर चांगली दिसण्यासाठी खूप प्रयत्न करायची, ज्यासाठी ती अनेकदा उपाशी राहायची आणि क्रॅश डाएट करायची. तिने आपल्या आहारातून मीठ (salt) पूर्णपणे वर्ज्य केले होते. लग्नानंतर अनेकदा तिला कमी रक्तदाबामुळे (Low Blood Pressure) चक्कर आल्याचे प्रकार घडले होते, असेही बोनी यांनी सांगितले.

डॉक्टरांनी तिला कमी रक्तदाबाबद्दल (Low BP) सावध केले होते, परंतु दुर्दैवाने श्रीदेवीने त्याकडे गांभीर्याने लक्ष दिले नाही. बोनी कपूर यांनी अभिनेता नागार्जुन (Nagarjuna) यांच्या एका आठवणीचाही उल्लेख केला. नागार्जुन यांनी सांगितले होते की, त्यांच्यासोबत एका चित्रपटाचे शूटिंग करताना श्रीदेवी क्रॅश डाएटमुळे बाथरूममध्ये चक्कर येऊन पडली होती आणि तिचा दातही तुटला होता.

दुबईतील तपास आणि अपघाती मृत्यू

श्रीदेवीचा २०१८ मध्ये दुबईतील एका हॉटेलच्या बाथटबमध्ये बुडून मृत्यू झाला होता. त्यावेळी बोनी कपूर तिच्यासोबत होते, त्यामुळे अनेकांनी त्यांच्यावर संशय व्यक्त केला होता. बोनी कपूर यांनी सांगितले की, भारतीय मीडियाच्या (Indian media) दबावामुळे दुबई पोलिसांनी (Dubai Police) त्यांची २-३ दिवस कसून चौकशी केली.

या चौकशीदरम्यान त्यांची लाय डिटेक्टर टेस्ट (Lie Detector Test) देखील घेण्यात आली. सर्व तपासानंतर दुबई पोलिसांनी त्यांना क्लीन चिट (clean chit) दिली. श्रीदेवीचा मृत्यू हा एक अपघातच होता, यावर बोनी कपूर यांनी पुन्हा एकदा जोर दिला आहे. तिच्या डाएटिंग आणि आरोग्याच्या समस्यांमुळे हा अपघात घडला असावा, असे त्यांच्या बोलण्यातून सूचित होते.

Title : Boney Kapoor Reveals Sridevi’s Crash Dieting, Fainting Spells Before Death