Alka Kubal | महिलांवरील अत्याचार हा आजच्या समाजातील एक अत्यंत गंभीर आणि चिंताजनक विषय बनला आहे. भारतातील महिलांसाठी अत्याचाराची समस्या वेगवेगळ्या प्रकारे समोर येते आहेत. घरातल्या सदस्यांपासून ते बाहेरच्या लोकांपर्यंत अनेकजण महिलांवर अत्याचार करत आहेत. घरगुती हिंसा, लैंगिक छळ, बलात्कार, छेडछाड यासारख्या घटनांमध्ये दैनंदिन वाढ होणे हे अत्यंत चिंताजनक आहे. महिलांवरील अत्याचाराच्या वाढत्या प्रमाणावर अभिनेत्री अलका कुबल यांनी आपला संताप व्यक्त केला आहे.
काय म्हणाल्या अलका कुबल
जळगावमध्ये आयोजित खान्देश करिअर महोत्सव दरम्यान, अलका कुबल यांनी महिलांवर होणाऱ्या अत्याचाराच्या गंभीर परिस्थितीवर चर्चा केली आणि त्यावर आपले मत मांडले. अलका कुबल म्हणाल्या, “महिलांवर होणारे अत्याचार दिवसेंदिवस वाढतच आहेत. विशेषत: घराच्या बाहेरच नाही, तर घरातही आपल्या कुटुंबातील सदस्यांद्वारे असे अत्याचार होत आहेत. काही ठिकाणी चूलत भाऊ, मामा, काका या व्यक्ती घरातल्या महिलांवर अत्याचार करतात.” त्यांच्या या वक्तव्याने उपस्थितांमध्ये विचारांचा गोंधळ उडवला.
अलका कुबल यांनी विशेषतः एका प्रकरणाचे उदाहरण दिले, ज्यामध्ये एका बापाने आपल्या चार मुलींवर बलात्कार केला होता. यावर संताप व्यक्त करत त्यांनी म्हटले, “मी तर म्हणते त्या चार मुलींनी त्या नालायक बापाचा खून केला पाहिजे होता. एक बाप आपल्या मुलीबरोबर असे घृणास्पद कृत्य करतो, हे अतिशय भयंकर आहे. अशा घटनांसाठी आपल्याला कडक कायदेशीर कारवाई करायला हवी. सौदी अरेबियासारख्या देशांमध्ये कायद्याचा कठोर वापर केला जातो, आणि आपल्याला देखील तसा विचार करावा लागेल.”
यावेळी त्यांनी पुण्यातील दोन युवकांचा उदाहरण म्हणून उल्लेख केला, ज्यांनी एका मुलीला बलात्कारापासून वाचवले. “हे युवक खरंच अभिमानास्पद आहेत. समाजातील बदल घडवण्यासाठी अशा उदाहरणांची आवश्यकता आहे.” अलका कुबल यांच्या या वक्तव्यामुळे महिलांच्या सुरक्षेबद्दल एक गंभीर संवाद सुरु झाला असून, ते समाजाच्या लक्षात आणण्यासाठी एक महत्त्वाचे पाऊल ठरले आहे.
