Aamir Khan Bodyguard Salary | बॉलिवूड अभिनेता आमिर खान (Aamir Khan) याच्याबाबत अलीकडे अनेक घडामोडी घडत आहेत. 5 जुलै रोजी गौरी स्प्रॅट (Gauri Spratt) यांच्याशी विवाह केल्यानंतर त्याच्यावर सोशल मीडियावर टीका झाली. त्याचवेळी तो कथितरित्या लॉरेन्स बिश्नोई गँगच्या (Lawrence Bishnoi Gang) निशाण्यावर असल्याच्या चर्चांनाही उधाण आले. या पार्श्वभूमीवर आमिर खानच्या सुरक्षेची जबाबदारी सांभाळणारे युवराज घोरपडे (Yuvraj Ghorpade) पुन्हा चर्चेत आले असून, त्यांच्या मानधनाबाबतही मोठी चर्चा रंगली आहे.
युवराज घोरपडे कोण आहेत? :
सोशल मीडियावर लॉरेन्स बिश्नोई गँगमधील आरजू बिश्नोई (Arju Bishnoi) आणि टायसन बिश्नोई (Tyson Bishnoi) यांच्या नावाने एक पोस्ट आणि ऑडिओ क्लिप व्हायरल झाल्याचा दावा करण्यात आला. या कथित धमकीनंतर आमिर खानच्या सुरक्षेबाबत उत्सुकता वाढली. त्याची सुरक्षा अनेक वर्षांपासून युवराज घोरपडे सांभाळत असून, ते व्यावसायिक बॉडी बिल्डर म्हणूनही ओळखले जातात.
अवघ्या 16 व्या वर्षी शाळा सोडल्यानंतर युवराज घोरपडे यांनी Ace Security मध्ये नोकरी सुरू केली. त्यानंतर त्यांच्या कामगिरीमुळे आमिर खान यांच्या सुरक्षेची जबाबदारी त्यांच्याकडे सोपवण्यात आली. ते अनेक वर्षांपासून अभिनेत्यासोबत कायम दिसतात आणि त्यांची सुरक्षा व्यवस्था सांभाळत आहेत.
Aamir Khan Bodyguard Salary | कोट्यवधींच्या मानधनाची चर्चा :
युवराज घोरपडे यांना वर्षाला सुमारे 2 कोटी रुपये मानधन मिळते, अशी माहिती समोर आली आहे. मात्र, या रकमेची अधिकृत पुष्टी झालेली नाही. 2011 मध्ये दिलेल्या एका मुलाखतीत त्यांनी सांगितले होते की, सुरुवातीच्या काळात ते विविध छोटी-मोठी कामे करत होते. त्यानंतर Ace Security मध्ये काम सुरू झाले आणि पुढे आमिर खान यांचे बॉडीगार्ड म्हणून जबाबदारी मिळाली. आमिरसोबत सतत राहण्यामुळे मित्र त्यांचे कौतुक करत असल्याचेही त्यांनी सांगितले होते.
युवराज घोरपडे हे आमिर खान यांच्या प्रत्येक महत्त्वाच्या दौऱ्यावर उपस्थित असतात. विमानतळ, चित्रपटांचे शूटिंग, विविध कार्यक्रम तसेच परदेश दौऱ्यांमध्ये ते सुरक्षेची जबाबदारी सांभाळतात. गर्दीवर नियंत्रण ठेवणे, संशयास्पद हालचालींवर लक्ष ठेवणे आणि कोणत्याही संभाव्य धोक्याला तातडीने प्रतिसाद देणे ही त्यांची प्रमुख जबाबदारी आहे. त्यामुळे आमिर खान यांच्या सुरक्षेत त्यांची भूमिका अत्यंत महत्त्वाची मानली जाते.
