WhatsApp Mobile Ban List | व्हॉट्सअॅप वापरणाऱ्यांसाठी एक महत्त्वाची बातमी समोर आली आहे. मेटाने जाहीर केलं आहे की 5 मे 2025 पासून काही जुन्या मोबाईल्समध्ये WhatsApp सेवा बंद होणार आहे. या बदलामागे सुरक्षा आणि नव्या तांत्रिक सुधारणा हे कारण असल्याचं स्पष्ट करण्यात आलं आहे. WhatsApp Mobile Ban List ()
‘या’ जुन्या मोबाईल्समध्ये WhatsApp चालणार नाही
WhatsApp च्या मालकीची कंपनी मेटा दरवर्षी अशा स्मार्टफोन्सची यादी जाहीर करते, ज्या डिव्हाइसवर अॅपची नवी अपडेट्स कार्यान्वित होऊ शकत नाहीत. 2025 साली 5 मेपासून, काही Android आणि iOS डिव्हाइसवर WhatsApp काम करणार नाही. यामध्ये विशेषतः iOS 15.1 पेक्षा जुन्या प्रणालीवर चालणारे iPhone आणि Android 5.0 (Lollipop) पेक्षा जुन्या Android OS वर असलेले डिव्हाइस यांचा समावेश आहे.
यादीत समाविष्ट असलेले काही मोबाईल्स:
Apple iPhone 6, 6 Plus, SE (1st Gen) – iOS 15.1 पेक्षा खालील व्हर्जन
Samsung Galaxy S3, Note 3, Ace 2 – Android 4.4 किंवा त्याआधी
Sony Xperia M, Miro
HTC Desire 500, One M7
LG Optimus L3 II Dual, F7
Huawei Ascend D2, Mate
मेटाने का घेतला असा निर्णय
मेटाच्या मते, जुन्या मोबाईल डिव्हाइसवर WhatsApp अपडेट्स देणं आता शक्य नाही कारण त्या डिव्हाइसची सॉफ्टवेअर प्रणाली नवीन सुरक्षा तंत्रज्ञानाला आणि अॅपच्या नव्या फिचर्सना सपोर्ट करत नाही. यामुळे युजर्सचा डेटा धोक्यात येऊ शकतो. म्हणूनच कंपनीने अशा मोबाईल्सवर WhatsApp सेवा बंद करण्याचा निर्णय घेतला आहे.
ज्यांच्या मोबाईल्समध्ये iOS 15.1 किंवा Android 5.0 पेक्षा जुनी प्रणाली आहे, त्यांनी WhatsApp वापरण्यासाठी नव्या ऑपरेटिंग सिस्टमवर आधारित मोबाईल वापरणे आवश्यक आहे. यामुळे भविष्यातील अपडेट्स, सिक्युरिटी फिचर्स आणि नव्या सुविधांचा लाभ घेता येईल.
काय करावं युजर्सनी?
मोबाईलचा OS अपडेट करता येतो का ते तपासा. iOS 16 किंवा Android 10 आणि त्यापुढील व्हर्जन वापरणाऱ्या डिव्हाइसवर WhatsApp उत्तम प्रकारे चालेल. तसेच WhatsApp डेटा बॅकअप करून ठेवा आणि Google Drive किंवा iCloud वर चॅट्सचा बॅकअप घ्या
Title: WhatsApp Mobile Ban List 2025
