Vasant More | पुण्यातील शिवसेना उद्धव बाळासाहेब ठाकरे पक्षाचे लोकप्रिय नेते वसंत मोरे हे त्यांच्या डॅशिंग आणि मदतीसाठी तत्पर स्वभावासाठी ओळखले जातात. कोरोना काळात असो किंवा इतर कोणत्याही वेळी, गरजूंना मदत करण्यासाठी ते नेहमीच पुढे असतात, यात शंका नाही. वैद्यकीय मदतीच्या बाबतीतही त्यांनी अनेकदा सक्रिय भूमिका दाखवली आहे.
नुकतेच वसंत मोरे यांनी त्यांच्या सोशल मीडिया अकाउंटवर एक अत्यंत भावुक पोस्ट (emotional post) शेअर केली आहे, ज्यामध्ये त्यांनी त्यांच्या एका दिवंगत मित्राच्या आठवणींना उजाळा देत आपल्या भावना व्यक्त केल्या आहेत.
वसंत मोरे भावुक :
वसंत मोरे यांनी आपल्या पोस्टमध्ये म्हटले आहे की, काही दिवसांपूर्वीच त्यांची आणि त्यांच्या मित्राची चांगली गप्पा झाली होती. त्यांच्या मित्राने त्यांना कोकणात सोबत येण्याचे वचन दिले होते, मात्र आज तो मित्र त्यांना सोडून गेला आहे. ‘प्रयत्नांची पराकाष्ठा केली रे पण नियती पुढे हारलो मित्रा’, अशा शब्दांत त्यांनी आपल्या भावनांना वाट मोकळी करून दिली. त्यांनी त्यांचे बालमित्र कै. प्रवीण धर्माधिकारी (Pravin Dharmadhikari) यांना भावपूर्ण श्रद्धांजली अर्पण केली आहे. प्रवीण धर्माधिकारी यांचे अंत्यसंस्कार काल कात्रज येथील स्मशानभूमीत झाले.
वसंत मोरे यांना त्यांच्या मित्राला रुग्णालयात दाखल करत असल्याची माहिती मिळाली, त्यावेळी ते एका विवाह समारंभात व्यस्त होते. मात्र, ही बातमी ऐकताच त्यांचे मन विचलित झाले आणि त्यांनी तातडीने रुग्णालयाकडे धाव घेतली.
Vasant More | कार्यकर्तेही भावुक झाले :
या घटनेनंतर वसंत मोरे यांच्या एका समर्थकाने सोशल मीडियावर माहिती दिली की, पैशांची अडचण किंवा बेड उपलब्ध नसल्याचे कारण देत असताना, वसंत तात्यांनी हॉस्पिटल प्रशासनाला सज्जड दम भरला आणि रुग्णाला त्वरित दाखल करण्यास सांगितले. गरज पडल्यास तातडीने पैसे भरण्याची तयारी दर्शवल्यानंतर त्यांच्या मित्रावर उपचार सुरू झाले.
वसंत मोरे यांच्या मित्रासाठी त्यांनी दाखवलेली तत्परता आणि भावनिक ओलावा पाहून अनेकजण त्यांच्या स्वभावाचे कौतुक करत आहेत. एका लोकप्रिय नेत्यासोबतच एक संवेदनशील मित्र अशी त्यांची प्रतिमा पुन्हा एकदा लोकांसमोर आली आहे. आपल्या मित्राच्या निधनाने दुःखी झालेले वसंत मोरे यांच्या भावना त्यांच्या सोशल मीडिया पोस्टमधून स्पष्टपणे जाणवत होत्या, ज्यामुळे त्यांचे चाहते आणि कार्यकर्तेही भावुक झाले आहेत.
