Iran Israel Conflict | मध्यपूर्वेत सुरू असलेल्या तणावपूर्ण परिस्थितीमुळे जगभरात चिंतेचे वातावरण निर्माण झाले आहे. Iran आणि Israel यांच्यातील संघर्षामुळे आधीच परिस्थिती तणावपूर्ण असताना आता Turkey या शक्तिशाली देशाने इराणला उघड पाठिंबा जाहीर केला आहे. या निर्णयामुळे United Statesसह आंतरराष्ट्रीय राजकारणात मोठी खळबळ उडाली आहे. (Iran Israel Conflict)
सध्या सुरू असलेल्या संघर्षात दोन्ही बाजूंनी हल्ले सुरू असल्याने मध्यपूर्वेतील परिस्थिती अधिकच गंभीर बनली आहे. अशा परिस्थितीत तुर्कियेचे राष्ट्रपती Recep Tayyip Erdoğan यांनी इराणला पाठिंबा देत सर्व मुस्लिम देशांनी एकत्र येण्याचे आवाहन केले आहे. त्यांच्या या वक्तव्यामुळे जागतिक स्तरावर मोठी चर्चा सुरू झाली आहे.
एर्दोगान यांचे स्पष्ट विधान :
अंकारा येथे सत्ताधारी पक्षांच्या खासदारांशी संवाद साधताना एर्दोगान यांनी महत्त्वपूर्ण भूमिका मांडली. त्यांनी सांगितले की, “मी सुन्नी किंवा शिया असा विचार करत नाही. आपण सर्वजण मुसलमान आहोत आणि संकटाच्या काळात एकत्र उभे राहण्याची गरज आहे.” त्यांनी युद्ध तातडीने थांबवण्याचे आवाहनही केले.
एर्दोगान यांनी पुढे म्हटले की, युद्धाची सुरुवात इस्रायलमुळे झाली असून तेच या संघर्षाला थांबवू शकतात. जर अमेरिका कूटनीतीला प्राधान्य देईल तर परिस्थिती नियंत्रणात येऊ शकते, असेही त्यांनी स्पष्ट केले. तसेच या प्रक्रियेत तुर्किये महत्त्वाची मध्यस्थीची भूमिका निभावू शकतो, असेही त्यांनी सांगितले.
Iran Israel Conflict | इस्रायलच्या रडारवर तुर्किये :
दरम्यान, इस्रायलमध्येही तुर्कियेच्या भूमिकेबाबत चर्चा सुरू झाली आहे. इस्रायलचे माजी पंतप्रधान Naftali Bennett यांनी तुर्कियेवर टीका करत म्हटले की तुर्किये इराणच्या मार्गावर चालत आहे. त्यांच्या मते, काही मुस्लिम देश आणि संघटनांचा एक गट तयार होत असून त्यामध्ये हमास, कतार आणि सिरीया यांचा समावेश आहे.
या गटाचा उद्देश इस्रायलला लक्ष्य करणे असल्याचा आरोपही त्यांनी केला. त्यामुळे मध्यपूर्वेतील राजकीय समीकरणे अधिक गुंतागुंतीची होत असल्याचे तज्ज्ञांचे मत आहे.
इराण-अमेरिकेत मध्यस्थीचा प्रयत्न :
दरम्यान, तुर्किये अजूनही इराण आणि अमेरिका यांच्यातील तणाव कमी करण्यासाठी मध्यस्थी करण्याचा प्रयत्न करत आहे. या संदर्भात तुर्की सरकारकडून खासदारांना गोपनीय माहिती देण्यात आली आहे. तुर्कीचे परराष्ट्र मंत्री Hakan Fidan यांनीही परिस्थितीबाबत सविस्तर माहिती दिली.
मध्यपूर्वेतील हा संघर्ष आणखी वाढू नये यासाठी विविध देशांकडून प्रयत्न सुरू आहेत. मात्र परिस्थिती सध्या अत्यंत नाजूक असून पुढील काही दिवसांत जागतिक राजकारणात मोठे घडामोडी घडण्याची शक्यता व्यक्त केली जात आहे.
