Bollywood News | झगमगत्या फिल्मी दुनियेत कलाकारांचं आयुष्य बाहेरून जितकं आकर्षक दिसतं, तितकंच आतून ते संघर्षमय असतं. अशाच एका प्रसिद्ध अभिनेत्रीने वयाच्या ३० व्या वर्षी आयुष्यातील सर्वात कठीण निर्णय घेतला. लग्नाआधी गर्भधारणा झाल्यानंतर बॉयफ्रेंडने जबाबदारी स्वीकारण्यास नकार दिला आणि त्यामुळे अभिनेत्रीला अबॉर्शन करण्याचा निर्णय घ्यावा लागला. हा काळ तिच्यासाठी अत्यंत वेदनादायक होता, ज्यातून सावरण्यास तिला अनेक वर्षे लागली. (Kubbra Sait)
जबाबदारीचा नकार आणि आयुष्यातील मोठा निर्णय :
ही अभिनेत्री दुसरी-तिसरी कोणी नसून ‘कुब्रा सैत’ (Kubbra Sait) आहे. नुकत्याच झालेल्या एका मुलाखतीत कुब्राने तिच्या त्या कठीण काळाबद्दल उघडपणे बोलताना सांगितलं की, “त्या घटनेला आता अनेक वर्ष झाली आहेत, पण त्यातून बाहेर पडण्यासाठी आणि स्वतःला समजून घेण्यासाठी मला खूप वेळ लागला. जीवनात एक वेळ अशी येते जेव्हा तुम्ही योग्य-अयोग्य यांच्यात अडकता. समाज काय म्हणेल, लोक कसे पाहतील हे विचार मनात सुरू असतात.”
कुब्रा पुढे म्हणाली, “त्या प्रसंगी मला खरंच कळत नव्हतं की मी योग्य निर्णय घेतेय की नाही. पण आज मी निश्चयपूर्वक सांगू शकते की माझा निर्णय योग्य होता. कारण जर मी चुकीची असते, तरी देव साक्षी आहे आणि त्याचे परिणाम मला भोगावे लागले असते.” अभिनेत्रीने यापूर्वीही तिच्या अबॉर्शनबद्दल खुलासा केला होता. मात्र, त्या काळातील मानसिक आणि शारीरिक वेदना आजही तिच्या आठवणीत आहेत.
Bollywood News | तीव्र रक्तस्त्राव, चिडचिड आणि मानसिक संघर्ष :
कुब्रा सैतने सांगितलं की, अबॉर्शननंतरच्या काही वर्षांत तिला अनेकदा अस्वस्थ वाटायचं. एका प्रोजेक्टचं चित्रीकरण करताना तिला तीव्र रक्तस्त्राव आणि चिडचिड जाणवत होती, पण तिने तिची स्थिती कुणाशी शेअर न करण्याचा निर्णय घेतला. या काळात ती पूर्णपणे एकटी लढत होती.
तिने तिच्या ‘Open Book: Not Quite A Memoir’ (२०२२) या पुस्तकातही या घटनेचा उल्लेख केला आहे. तिने स्पष्ट सांगितलं की हा अनुभव समजून घेण्यासाठी आणि स्वतःला स्वीकारण्यासाठी तिला अनेक वर्षे लागली.
आज कुब्रा सैत सोशल मीडियावर सक्रिय असून, ती नेहमी तिच्या चाहत्यांशी संवाद साधत असते. तिच्या धैर्याने आणि स्पष्टवक्तेपणाने ती अनेक महिलांसाठी प्रेरणादायी ठरली आहे. अभिनेत्रीने घेतलेला तो निर्णय आजही तिच्या आयुष्याचा महत्वाचा टप्पा ठरला आहे.
