T20 world Cup Prize Money | वर्ल्ड कप 2026 आता अंतिम टप्प्यात पोहोचला असून आज म्हणजेच रविवारी होणाऱ्या अंतिम सामन्यानंतर विजेत्या संघावर कोट्यवधी रुपयांचा वर्षाव होणार आहे. स्पर्धेसाठी International Cricket Council (ICC) ने यंदा मोठ्या प्रमाणात पारितोषिक रक्कम जाहीर केली आहे. त्यामुळे विजेत्यापासून ते सुपर-८ पर्यंत पोहोचलेल्या संघांनाही चांगली कमाई होणार आहे.
एकूण बक्षीस रक्कम 13.5 मिलियन डॉलर :
आयसीसीने यंदाच्या स्पर्धेसाठी एकूण 13.5 मिलियन डॉलर (सुमारे 123.77 कोटी रुपये) इतकी प्राइज मनी निश्चित केली आहे. ही रक्कम मागील ICC Men’s T20 World Cup 2024 च्या तुलनेत सुमारे 20 टक्क्यांनी अधिक आहे. त्यामुळे या स्पर्धेतील बक्षीस रक्कम आतापर्यंतच्या टी-२० विश्वचषकांपैकी सर्वाधिक मानली जात आहे.
अहमदाबाद येथे होणाऱ्या अंतिम सामन्यात विजय मिळवणाऱ्या संघाला 27.50 कोटी रुपये मिळणार आहेत. तसेच अंतिम फेरी गाठलेल्या India national cricket team ला विजेतेपद मिळाल्यास ही मोठी रक्कम भारताच्या खात्यात जमा होऊ शकते.
याशिवाय उपविजेता ठरणाऱ्या संघालाही मोठे बक्षीस मिळणार आहे. अंतिम सामन्यात पराभव स्वीकारावा लागणाऱ्या टीमला सुमारे 14.67 कोटी रुपये दिले जाणार आहेत.
T20 world Cup Prize Money | सेमीफायनलमध्ये पराभूत संघांनाही कोटींची कमाई :
स्पर्धेच्या उपांत्य फेरीत पराभूत झालेल्या संघांनाही रिकाम्या हाताने परतावे लागणार नाही. England national cricket team आणि South Africa national cricket team या संघांना प्रत्येकी सुमारे 7.24 कोटी रुपये इतकी रक्कम देण्यात येणार आहे. (ICC T20 World Cup reward)
याशिवाय स्पर्धेत पाचव्या ते बाराव्या क्रमांकावर राहिलेल्या संघांनाही प्रत्येकी सुमारे 3.48 कोटी रुपये दिले जाणार आहेत. त्यामुळे सुपर-८ पर्यंत पोहोचलेल्या संघांनाही त्यांच्या कामगिरीचे आर्थिक फळ मिळणार आहे.
