Sunrisers Leeds | इंग्लंडमधील लोकप्रिय द हंड्रेड स्पर्धेआधी काव्या मारन यांच्या मालकीच्या Sunrisers Leeds संघाने मोठा निर्णय घेतला आहे. संघ व्यवस्थापनाने इंग्लंडचा स्टार फलंदाज Zak Crawley याची नव्या कर्णधारपदी नियुक्ती केली आहे. 28 वर्षीय क्राउली आता संघाचे नेतृत्व करताना दिसणार आहे.
यापूर्वी संघाची धुरा Harry Brook याच्याकडे होती. मात्र, आगामी हंगामासाठी व्यवस्थापनाने नेतृत्वात बदल करत क्राउलीवर विश्वास दाखवला आहे. त्यामुळे ब्रूक आता केवळ फलंदाज म्हणून संघात योगदान देणार असून त्याला अधिक मोकळेपणाने खेळता येणार आहे.
द हंड्रेडमध्ये क्राउलीची दमदार कामगिरी :
जॅक क्राउलीने आतापर्यंत द हंड्रेड स्पर्धेत 23 सामने खेळले असून 30 च्या सरासरीने 540 धावा केल्या आहेत. त्याच्या नावावर तीन अर्धशतके आहेत.
मागील हंगामात त्याने 9 सामन्यांत 280 धावा करत प्रभावी कामगिरी केली होती. त्यामुळेच संघ व्यवस्थापनाने त्याच्याकडे नेतृत्वाची जबाबदारी सोपवली आहे.
Sunrisers Leeds | नॉर्दर्न सुपरचार्जर्स ते सनरायझर्स लीड्स :
काव्या मारन यांच्या मालकीच्या Sun Group ने गेल्या वर्षी Northern Superchargers फ्रँचायझीचे संपूर्ण नियंत्रण मिळवले. त्यानंतर संघाचे नाव बदलून Sunrisers Leeds करण्यात आले. आयपीएलमधील Sunrisers Hyderabad आणि SA20 स्पर्धेतील Sunrisers Eastern Cape या संघांप्रमाणेच आता इंग्लंडमध्येही “सनरायझर्स” ब्रँडचा विस्तार झाला आहे.
सनरायझर्स लीड्सचा संघ :
संघात जॅक क्राउली, हॅरी ब्रूक, Mitchell Marsh, Ryan Rickelton, Abrar Ahmed, Nathan Ellis, Reece Topley यांसारखे अनेक अनुभवी खेळाडू आहेत.
हैदराबादमध्येही बदलाची शक्यता?
दरम्यान, आयपीएलमधील Sunrisers Hyderabad संघाच्या नेतृत्वाबाबतही चर्चा सुरू आहेत. सध्याचा कर्णधार Pat Cummins पुढील हंगामात उपलब्ध असेल की नाही याबाबत अनिश्चितता असल्याने नेतृत्वबदलाची शक्यता व्यक्त केली जात आहे.
