Sunil Tatkare | आज कराड (Karad) येथील प्रीतिसंगम (Preetisangam) येथे राज्याच्या उपमुख्यमंत्री सुनेत्रा अजित पवार (Sunetra Pawar) यांनी महाराष्ट्राचे शिल्पकार आणि पहिले मुख्यमंत्री स्व. यशवंतराव चव्हाण (Yashwantrao Chavan) यांच्या समाधीस्थळी पुष्पचक्र अर्पण करून आदरांजली वाहिली. यावेळी त्यांनी चव्हाण साहेबांच्या विचारांना आणि योगदानाला अभिवादन करत स्मृतिप्रित्यर्थ बांधण्यात आलेल्या स्मारकासही भेट दिली.
या भेटीदरम्यान त्यांनी सन्मानीय वेणुताई यशवंतराव चव्हाण (Venutai Yashwantrao Chavan) यांच्या स्मृतिप्रित्यर्थ उभारण्यात आलेल्या स्मारकाला भेट देत, स्व. यशवंतराव चव्हाण साहेब व वेणुताई चव्हाण यांच्या पुतळ्यांना पुष्पहार अर्पण केले. यावेळी उपस्थित मान्यवरांसह त्यांनी महाराष्ट्राच्या इतिहासात मोलाचे योगदान देणाऱ्या या दांपत्याच्या स्मृतींना वंदन केले.
अजित पवार आणि प्रीतिसंगमचा भावनिक संबंध :
आमचे नेते तसेच राज्याचे दिवंगत उपमुख्यमंत्री आदरणीय अजितदादा पवार (Ajit Pawar) यांचे आणि स्व. यशवंतराव चव्हाण साहेबांच्या समाधीस्थळाचे नाते अत्यंत जिव्हाळ्याचे आणि प्रेरणादायी होते. अजितदादा अनेक वेळा कराड येथे येऊन समाधीस्थळी दर्शन घेत, महाराष्ट्राच्या भाग्यविधात्यासमोर नतमस्तक होत आणि त्यांच्या विचारांतून समाजाभिमुख कार्यासाठी नवी ऊर्जा घेत असत. यासंदर्भात राष्ट्रवादी काँग्रेसचे प्रदेशाध्यक्ष सुनील तटकरे यांनी एक्सवर पोस्ट करत माहिती दिली.
आज कराड येथील प्रीतिसंगम येथे राज्याच्या उपमुख्यमंत्री मा. श्रीमती सुनेत्रावहिनी अजितदादा पवार यांनी महाराष्ट्राचे शिल्पकार आणि पहिले मुख्यमंत्री स्व. यशवंतराव चव्हाण साहेब यांच्या समाधीस्थळी पुष्पचक्र अर्पण करून अभिवादन केले. यासोबतच सन्मानीय वेणुताई यशवंतराव चव्हाण यांच्या… pic.twitter.com/wLnoV4JaAX
— Sunil Tatkare (@SunilTatkare) February 2, 2026
चव्हाण साहेबांच्या जीवनकार्यापासून प्रेरणा घेऊन अजित पवारांनी विविध विकासात्मक आणि लोककल्याणकारी उपक्रमांना चालना दिली होती. त्यामुळेच प्रीतिसंगम हे केवळ श्रद्धास्थान न राहता, समाजसेवेची प्रेरणा देणारे केंद्र बनले होते. या भावनिक नात्याची आठवण ठेवत सुनेत्रा पवार यांनीही आजच्या भेटीत त्याच परंपरेचा वारसा पुढे नेण्याचा संदेश दिला.
Sunetra Pawar | मान्यवरांची उपस्थिती आणि कार्यक्रमाची रूपरेषा :
या अभिवादन सोहळ्याला राष्ट्रवादी महिला काँग्रेसच्या प्रदेशाध्यक्ष तसेच राज्य महिला आयोगाच्या अध्यक्ष रुपाली चाकणकर (Rupali Chakankar), राष्ट्रवादी काँग्रेसचे प्रदेशाध्यक्ष सुनील तटकरे (Sunil Tatkare), राज्याचे मदत व पुनर्वसन मंत्री मकरंद आबा पाटील (Makrand Aba Patil), खासदार नितीन पाटील (Nitin Patil), माजी खासदार श्रीनिवास पाटील (Shrinivas Patil), माजी मंत्री बाळासाहेब पाटील (Balasaheb Patil) उपस्थित होते.
तसेच जिल्हाधिकारी संतोष पाटील (Santosh Patil), पोलीस अधीक्षक तुषार दोशी (Tushar Doshi), कराडचे नगराध्यक्ष राजेंद्रसिंह यादव (Rajendrasingh Yadav) यांच्यासह पक्षाचे पदाधिकारी आणि कार्यकर्ते मोठ्या संख्येने सहभागी झाले होते. सर्वांनी एकत्र येत स्व. यशवंतराव चव्हाण साहेब आणि वेणुताई चव्हाण यांच्या स्मृतींना अभिवादन करत महाराष्ट्राच्या राजकीय आणि सामाजिक इतिहासातील त्यांच्या अमूल्य योगदानाचा गौरव केला.
