Gopichand Padalkar | भाजप (BJP) आमदार गोपीचंद पडळकर यांनी सांगली जिल्ह्यातील (Sangli District) जत विधानसभा मतदारसंघात (Jat Vidhan Sabha Constituency) बोलताना राष्ट्रवादी काँग्रेसचे (NCP) नेते जयंत पाटील (Jayant Patil) यांच्यावर खालच्या भाषेत टीका केली होती. पडळकर यांनी राजाराम बापू (Rajaram Bapu) यांच्याबद्दलही वादग्रस्त वक्तव्य केल्याने राजकीय वर्तुळातून त्यांच्यावर टीकेची झोड उठली आहे. या प्रकरणात त्यांनी माफी मागण्यास नकार देत आपल्या वक्तव्यावर ठाम असल्याचे म्हटले होते.
शिवाजी वाटेगावकरांचा पडळकरांना थेट इशारा
पडळकर (Gopichand Padalkar) यांच्या वादग्रस्त वक्तव्याचा वाळवा तालुक्यात (Walva Taluka) तीव्र निषेध करण्यात आला. यावर राष्ट्रवादी काँग्रेसचे अध्यक्ष शरद पवार (Sharad Pawar) यांनी उपमुख्यमंत्री देवेंद्र फडणवीस (Devendra Fadnavis) यांना फोन करून नाराजी व्यक्त केली होती. यानंतर फडणवीस यांनी पडळकरांना फोन केल्याची माहिती समोर आली होती. आता बापू बिरू वाटेगावकर (Bapu Biru Wategaonkar) यांचे पुत्र शिवाजी वाटेगावकर (Shivaji Wategaonkar) यांनी पडळकरांना थेट इशारा देत दम भरला आहे.
शिवाजी वाटेगावकर यांनी पडळकरांच्या वक्तव्याबाबत म्हटले आहे की, “तू जयंत पाटलांविरुद्ध काहीतरी बोलतो. तो माणूस तुला काही आलतू फालतू वाटला का? तू वाळवा तालुक्यात (Walva Taluka) यायचा विचार कर, तुझे कपडे काढूनच तुला परत पाठवतो. तू जत तालुक्यातून (Jat Taluka) निवडून येऊन दाखव. तुला समाजात काडीचीही किंमत नाही.” वाटेगावकरांनी पुढे म्हटले की, “त्याने (पडळकर) धनगर समाजाला (Dhangar Community) मान खाली घालायला लावली आहे. बापूंसारख्यांवर तो बोलतो, एवढा मोठा झाला का तू?” असा हल्लाबोल त्यांनी चढवला. वाटेगावकर यांनी पडळकरांना वाळवा तालुक्यात आल्यास ‘तुझी चड्डी सुद्धा ठेवणार नाही’ असा इशारा दिला आहे.
फडणवीसांकडून पडळकरांना समज
या प्रकरणी शरद पवार गटानेही (Sharad Pawar Faction) गोपीचंद पडळकरांवर (Gopichand Padalkar) टीका केली असून, राज्यभर आंदोलने सुरू आहेत. खुद्द शरद पवार (Sharad Pawar) यांनी देवेंद्र फडणवीस (Devendra Fadnavis) यांच्याशी फोनवरून चर्चा केली होती आणि फडणवीस यांनी पडळकरांना (Gopichand Padalkar) समज दिल्याचे समोर आले आहे.
देवेंद्र फडणवीस (Devendra Fadnavis) यांनी याबाबत म्हटले आहे की, “गोपीचंद पडळकर (Gopichand Padalkar) यांनी जे विधान केले आहे, ते योग्य आहे, असे माझेही मत नाही. कोणाच्याही वडिलांबद्दल किंवा परिवाराबद्दल विधान करणे योग्य नाही.” त्यांनी पुढे सांगितले की, “मी या संदर्भात गोपीचंद पडळकर यांच्याशी बोललो आहे आणि त्यांनाही (पडळकर) मी हेच सांगितले आहे. मला शरद पवारांचा (Sharad Pawar) फोन आला होता. मीही त्यांना सांगितले की, अशा प्रकारच्या विधानाचे आम्ही कधीच समर्थन करणार नाही.”
News Title- Shivaji Wategaonkar Warns Gopichand Padalkar After Controversial Statement
