New 100 and 200 Notes | भारतीय रिझर्व्ह बँक (Reserve Bank of India – RBI) लवकरच 100 आणि 200 रुपयांच्या नवीन नोटा चलनात आणणार आहे. या नोटांवर नवीन गव्हर्नर संजय मल्होत्रा (Sanjay Malhotra) यांची स्वाक्षरी असेल. (New 100 and 200 Notes )
नोटांची रचना आणि स्वरूप
नवीन नोटांची रचना महात्मा गांधी (नवीन) मालिकेतील सध्याच्या 100 आणि 200 रुपयांच्या नोटांसारखीच असेल. या नोटांवर महात्मा गांधींचा (Mahatma Gandhi) फोटो कायम राहील. तसेच या नोटांवर नवीन गव्हर्नर संजय मल्होत्रा यांची स्वाक्षरी असेल.
जुन्या नोटा वैध राहणार
पूर्वीच्या सर्व 100 आणि 200 रुपयांच्या नोटा चलनात कायदेशीररीत्या वैध राहतील. त्यामुळे जुन्या नोटांच्या वैधतेवर कोणताही परिणाम होणार नाही. (New 100 and 200 Notes )
नवीन गव्हर्नर, नवीन नोटा
नवीन आरबीआय गव्हर्नरच्या नियुक्तीनंतर नवीन नोटा जारी करणे ही एक नियमित प्रक्रिया आहे. गेल्या वर्षी डिसेंबर 2024 मध्ये शक्तिकांत दास (Shaktikanta Das) यांच्या जागी संजय मल्होत्रा यांची आरबीआयचे 26 वे गव्हर्नर म्हणून नियुक्ती झाली आहे.
रिझर्व्ह बँक वेळोवेळी विद्यमान गव्हर्नरच्या अद्ययावत स्वाक्षरीसह नवीन चलनी नोटा जारी करते, ज्यामुळे चलन व्यवस्थेत सातत्य राखले जाते.
Title : RBI to Issue New 100 and 200 Notes Soon
